::: مـنتدى قبيلـة الـدواسـر الـرسمي ::: - ياليت الحكومه تفصل الهاتـف الجـوال

- :: قسم الـشعر العــام :: (http://alduwaser.org/vb/forumdisplay.php?f=16)

- - ياليت الحكومه تفصل الهاتـف الجـوال (http://alduwaser.org/vb/showthread.php?t=63891)

ياليت الحكومه تفصل الهاتـف الجـوال

انا والله اني لي اسبـوع وثـلاث ليـال
وانا احس في صدري بضيقـه ومتآلـم

ليا نام آبو قلبٍ من همـوم بقعـاء خـال
يطيـر الكـرى كنـي موقـظ ومتحلـم

همومي لحال وهم جرح الزمـان لحـال
تلـم الجـروح وللنـدم جـرح ماينلـم

لكن اعتبرهـا يارفيقـي علـى ماقـال
صلى الله على وجه اشرف الخلق وسلـم

ترديـت لكنـي ترديـت فـي رجــال
ليـا طبـت علـم وان ترديـت ماعلـم

مابه طيّبٍ ماقد تـردى بخاطـي حـال
يبيهـا وكنـه ميـر مربـوط ومبـلـم

ياكود انت ياحثلان يامضـرب الامثـال
علـى طـول ونتـه للمواجيـب متولـم

صدق من يقول ان المراجل صروح جبال
وعشاقهـا تطلـع قممهـا بـلا سـلـم

اذا ان الصعود اسهل كثير مـن المنـزال
طريق الحدور اظلم مـن الليـل لاظلـم

ياليت الحكومه تفصل الهاتـف الجـوال
على شـان ماستقبـل كـلام ٍ ولاا كلـم

الشاعر سلطان الهاجري