سلام يادار حكمها هل الطيب = سلام ياشعبً وفيً اداره
سلام يادار حكمها هل الطيب = آل السعود اهل الوفاء والنماره
وقفة وفاء من شعبنا للمعازيب = بكبود عدوانه تطاير شراره
حب الوطن مافيه شك ولا ريب = زرع ًسقاه الرب نجني ثماره
صغيرنا والي كسى راسه الشيب= نجدد البيعه ونرفع أشعاره
حنا مع ال سعود يوم المشاعيب= معهم ولافينا عدوً لداره
يوم أن راع الشاة يخشى من الذيب = والا من اللي يحسبنها شطاره
جاهم ابو تركي على الفطر الشيب =قضى على الفتنه وريض اغباره
بادي بشرع الله حصون ومقاضيب= ماهي حصون باللقى مستعاره
رجواه باللي عالم السر والغيب =عليه اتكل وفيه ابتدى وستخاره
ساق الولي للدار مزون ً مراكيب =تمطر عليها لين بين خضاره
والارض فاضت من كنوزه مكاسيب =من فضل من دارالفلك في مداره
وصفت مشاريب الفجوج اللواهيب = وأشرق سنا شمسً تجلى حماره
الطير غرد فالغصون النبانيب= وبدت بها النهضه وعم أزدهاره
عقب حرارً ماتهاب المصاعيب = وبالحكم كلً ما يخالف مساره
من عهد فكاك الأمور اللواليب= لين أن ابو متعب تولى الاماره
مواقفً منا علينا مواجيب = والقاف نامر له ونصدر قراره
طيرً على كف راعيه ما يخيب = شاعر وصدره فاح نادر بهاره
وصلاة ربي عد حروف المكاتيب= على الذي سن الهدى والطهاره