اعزائي اعضاء المنتدى وزواره

أخترت لكم هذه المساجله

وهي قصيده للشاعر محمد بن حمد بن عرار

ومجاراة اخيه الشاعر مطحس لها

عسى ان تليق ب اذواقكم

محمد

هني الي ليا رقّدوا نومهم ذاقوه=ماناموا معا همن وقاموا بمجموعه

وقلبي هواجيسه تتله الين ايتوه=معا هم نفسن لي سنه مااختلف نوعه

كما تل بوشن في سنع وجهته باروه=مشا وانتحت به لرض والخد مقطوعه

عقب طول زعلن في محلن جفا وجلوه=تعرض رقاقن يذبح الجوع جربوعه

كما الي سبوه القوم والناس ماشافوه=وحيدن وكسرت ساق رجله وكرسوعه

حنيني حنين الي علا مقطعه حدوه=على الحد والحمله ثقيله وممنوعه

يسوقه من الناس المغربل وحيد ابوه=تضايق وشص اعمامته فوق قنزوعه

ووجودي وجود الي سجن ماخبر مكروه=ورا الباب كلبش مادرى ويش موضوعه

خذاله سنه لا متهمينه ولا بروه=بري !! وارتكبله حاجتن غير مشروووعه ..


مطحس


تهيضت من قافن ابثلث الدجا غنوه= هل الخطّر الي مارست حرة اللوعه

ليا قلت ارب انهم قضوا وانتهوا عادوه=ابلحنن يخلي مهجة الروح مفجوعه

يتل الضماير تل دلو ٍ ليا جروه=انشاطن ايديهم ترفعه من مدا قوعه

دبشهم اعطاش ونصفها باقي ٍ ماأسقوه=خطيرن دجرهم يودع الدلو مشلوعه,

فأنا احس شي ٍ معظم الناس ماحسوه=ايعرج ابشف القلب عن يمة اسنوعه

اعاني قساته والمداليه ما عانوه= ياعزيل نفسن ونسها منه مقروعه

اشادي غريبن عن ثرا ديرته جلوه=انفوسن عليه اتزاوم الغيض مجزوعه

يجاذب ونينه والمخاليق ماسمعوه=وش ايكون حال الي فقد فزعة اربوعه

جريحن بغى طب الدكاتر ولا داووه=ليا من غبا عنه الرجا سبل ادموعه

حصلي سواته لا نجاتن ولا مكروه=امدد آمالن جعل ماهيب مقطوعه

أداري مقامن لا أنضروه العرب هابوه=ويخشى ضميري صيحتن غير مسموعه

وأنا ارجي الفرج من معطي الناس لا سألوه=محصي رزق الانفس,,مشبع الطير من جوعه ..


وسلامتكم