بيوت الشعر لو كانت عصيّه=من اجلك جبتها جزله قويّه
صلاة الله وتسليمه تزورك=يا خير الخلق يا هادي البريّه
نبيٍ واصطفاك الله بفضله=رسول الخلق واختارك صفيّه
عزيز النفس محمود السجايا=كريم الطبع يا جزل العطيّه
فسبحان الذي كمّل وصوفك=جميل الخلق والريحه زكيّه
نعم والله بلّغت الرساله=ووصّلت الأمانه والوصيّه
جليت (ا)بنورك الظلم (ا)ومحيته=وبدّلت الجفا والجاهليّه
بدين الحق عنوان التسامح=بفضله صاروا العالم سويّه
تسيّدنا الأمم من نور هديك=كسبنا المجد بقلوبٍ وعيّه
بَعَد ما كانت اشعوب (ا)وقبايل=تشيع ابها الفتن والعنصريّه
توحدنا بدستور الشريعه=كتاب الباري (ا)وسنة نبيّه
وعمّ الفضل والقرآن يتلى=في ارض الله بأصواتٍ شجيّه
بعثك الله لنا عزٍ ورحمه=تعلّمنا المكارم والحميّه
تعلمنا التكاتف والتكافل=وكيف الصبر لو جات البليّه
تعلّمنا التواصل والتراحم=وكيف الحبّ تزرعه الهديّه
وكيف إن الخطا تمحوه توبه=ونعبد ربنا من حسن نيّه
وكيف إنا يجب نعفوا ونصفح=نصون النفس ونصون الرعيّه
وتقوى الله ميزان الكرامه=وهي فرق العرب عن لعجميه
أبا القاسم فداك ابي وأمي=ووجداني وما ملكت يديّه
فلا والله لن يوفيك شعري=لو اكتب كل صبحٍ أو عشيّه
صلاة الله وتسليمه تزورك=يا خير الخلق يا هادي البريّه

المشاركة الأصلية كتبت بواسطة فهد المقابله (المشاركة 720414) اللهم صل على محمد صح الله لسانك واعتلى شانك

المشاركة الأصلية كتبت بواسطة بنت الذيب (المشاركة 728993) أبا القاسم فـداك ابـي وأمـي.. ووجدانـي ومـا ملكت يديّـه فلا والله لـن يوفيـك شعـري.. لو اكتب كل صبـحٍ أو عشيّـه صـلاة الله وتسليمـه تـزورك.. يا خير الخلق ياهادي البريّـه عليه افضل الصلاة والسلام اخوي ظافر صح لسانك على الابيات الرائعه بارك الله فيك

المشاركة الأصلية كتبت بواسطة نآصر البدراني (المشاركة 728997) " صلى الله عليه وعلى آله وصحبه وسلم تسليماً كثيرا " صح لسانك يا ابو بدر واعتلى شانك بيض الله وجهك والله يكتب أجرك ..