|
سالفة عبيد الخييلي ودحيم السبيعي
تجاور كل من عبيد الخييلي الدوسري ودحيم بن عبدالله بن برمان العزيزي السبيعي وقد كانو في ضواحي رماح , واخذو وقت طويل وهم جيران على حشمه وتقدير وبعد فتره قتل ولد عبيد الدوسري ولد دحيم السبيعي من غير عمد بطريقة الخطأ , ثم جاب عبيد الخييلي ولده لدحيم السبيعي وقال : هذا ولدي اذا أردت قتله أقتله , وقال دحيم السبيعي : والله ما أخلي مرة جاري تبكي مثل مرتي , وأعتقه لوجه الله , ولا يستغرب الطيب من الطيبين
وقال الخييلي هذه القصيده رد ثناء على جاره : يا راكب هجن مراديم وسمان * عيرات الانضا مايرقع حفاها يا راكبين الهجن نصوهن عمان * ومرو على رفحا وروحو وراها في كل ديره جددو لابن برمان * قصر من البيضا رفيع بناها ثم اجنبو من عندكم يم نجران * دار المذكر دوجو في قراها حطو له البيضا على راس ما بان * راع الفعول الي طرانا نباها ومرو على الخرمه وحطو بها اعلان * اعلان بيضا كل من جا قراها ونصوهن الحاير عسى دربكم زان * ديرة سبيع متيهين قصراها وابنو بدار سبيع بيضا لها شان * من مر ديرتهم يشوقه بناها يالله عسى ديرة دحيم بن برمان * لا جا سحاب الوسم يسقي جباها الي عطا جاره عطا ما بعد كان * يبغي الجزا من عند رافع سماها ماهيب لا غرس ولا ابل ولا ضان * ولا عطا دنيا يدور جزاها يبغي العلوم الطيبه مثل ما كان * قصيرته عطيت ولدها وجاها يا فاعل الحسنى جزاك الله احسان * فعلت لك حسنى على الله جزاها وسلامتكم |
رد: سالفة عبيد الخييلي ودحيم السبيعي
الله اكبر هذه الخوة والجيرة والا بلاش
الله يرحمهم جميعا وبيض الله وجهك على نقل هذه القصة اللي تبيض الوجه |
رد: سالفة عبيد الخييلي ودحيم السبيعي
الله اكبر هذه الخوة والجيرة والا بلاش
الله يرحمهم جميعا وبيض الله وجهك على نقل هذه القصة اللي تبيض الوجه |
رد: سالفة عبيد الخييلي ودحيم السبيعي
الله اكبر هذه الخوة والجيرة والا بلاش
الله يرحمهم جميعا وبيض الله وجهك على نقل هذه القصة اللي تبيض الوجه |
رد: سالفة عبيد الخييلي ودحيم السبيعي
سلمت يالذيب على القصه الطيبه ولاهنت ،،،
الله يبيض وجه السبيعي ويعوضه خير في الدنيا والآخره كيف نستغرب الطيب من هل الطيب ..! الله يغفر للسبيعي ويرحمه يارب صح لسان الدوسري .. |
الساعة الآن 11:54 AM
 |
Powered by vBulletin® Copyright ©2000 - 2025, Jelsoft Enterprises Ltd.
---