الطّيب عند الطّيبين وداعه=يمشي بمجرى الدّم ممشى السّاعه
و إلا الرّدي ما همّه إلا نفسه=مهما تطبّع ما له إلا اطباعه
خير الأدلّه ،ما حصل من تجربه=و أنا بأقول الحقّ من مقطاعه
لا شفت نفسي في الحشا تضايقت=من الهموم و نقْلها ملتاعه
نصيت كفوٍ يرتكي للكايده=خذا المراجل كلّها بذراعه
إبن نبأ يا ناشدٍ عن النّبا=صفوة قرومٍ في الّلقاء بتّاعه
و أختصّ أبو منصور قدوة ربعه=يا ريف أهل هجنٍ تبي مرباعه
أنا اشهد إنّه وافيٍ من وافي=حرّ شهر فوق العلا مطلاعه
لا جاه مكروبٍ ،نهض بحجاجه=عقب الضّنك يلقى الفجوج وساعه
الله يفرّج للمسمّى مطلق=اعداد ما صبحٍ يبين اشعاعه