جبرني نبا صيتك وذكرك وطرياك=ياراع العلوم اللي يشرف نباها
ابجزاك بلساني ولو ما اقدر اجزاك=بيوت الشعر في مدح مثلك تباها
كسبت المراجل يالسنافي بمبداك=تميزت من بين العرب باحتواها
كريم بمداتك وجودك وحسناك=سحابة وفا كل يعاين وراها
حليم بطبعك ماتدور للاشباك=عزيزا ونفسك رافع مستواها
تبنيت كل العز من عزك وجاك=وعزيت نفس عزها ما عزاها
تلقيت مدح الناس من ذا وهذاك=وتاقف وتلقا عندكم مبتغاها
وذاليوم ياابراهيم قافي تنصاك=ابهديك شرد ن عالي مستواها
لانك كفو والمدح كايد ويزهاك=ولانك من اللي ينتذرا ذراها
تلقيت طيبك يالشلي من نواياك=تفاخر بك السمعه وتلقا هواها
ياجعل الردي من وين ماكان يفداك=وياللي فديت ربوعك بملتقاها
مايفعل لفعلك كون مثلك وشرواك=كريم ماتحسب للخساير وداها
ترا المعجزات صعاب وتروم يمناك=يمين من الجزلات ربي عطاها
وريث الشيوخ اللي بنو في الديار املاك=خوال الملوك اللي مايقرب حماها
سلايل ولد بدران عامر اذا جاك=ذكره صفات الطيب كله حواها
بدارين من زايد ومن دوسر وهاك=مراجع وتاريخ يبين وفاها

المشاركة الأصلية كتبت بواسطة نايف الفصام (المشاركة 706728) الله الله الله الله الله الله الله الله الله الله الله الله أقف احترماً لهذه الشامخه بشموخ شاعرها وشموخ من هي فيه صح لسانك الى ماله نهايه يابو شالح ... كتبت فأبدعت وأطربت والشيخ أبراهيم الشتوي كفوو ويستاهل ماقيل فيه ... هو من الرجال اللي نفخر بوجودهم وشافي بن راشد النتيفات كفوو ... وهو من الشعار اللي نفخر فيهم صح لسانك يابوشالح واعتلى شانك .. وتقبل مروري واحترامي واعجابي

المشاركة الأصلية كتبت بواسطة الجراح (المشاركة 706776) صح لسانك يا أبو شالح ويستاهل الشتوي ما قيل فيه جهوده واضحه وموفقه ودي وتقديري لك ،،،،،

المشاركة الأصلية كتبت بواسطة مبارك بن شافي النتيفات (المشاركة 706795) صح لسانك الى ماله نهايه يابو شالح ... كتبت فأبدعت وأطربت والشيخ أبراهيم الشتوي كفوو ويستاهل ماقيل فيه ... هو من الرجال اللي نفخر بوجودهم

المشاركة الأصلية كتبت بواسطة سالم الخضراني (المشاركة 707078) صح الله لسانك يابو شالح الله يعطيك العافيه شاعر مبدع وجزل تحياااتي وتقديري

المشاركة الأصلية كتبت بواسطة نآصر الربيعة البدارين (المشاركة 707534) الله الله يا ابو شافي صح لسانك لين تررررررررررررضى ابو عبدالله وافي وعلومه غانمة كُفو يستاهل ماقيل فيه بيض الله وجهك يا ابو شافي ولاهنت ..