::: مـنتدى قبيلـة الـدواسـر الـرسمي ::: - ابحث لأخيك عن سبعين عذر

- :: قسم المـواضيع الـعامــة :: (http://alduwaser.org/vb/forumdisplay.php?f=2)

- - ابحث لأخيك عن سبعين عذر (http://alduwaser.org/vb/showthread.php?t=62088)

ابحث لأخيك عن سبعين عذر

‏‏‏‏‏‏‏‏‏‏‏‏‏‏‏‏‏‏هذي قصة اثنين شباب اخويا

كلم الأول الثاني وقال:

تكفى انا في المكان الفلاني وأحتاج الف ريال بسرعة وضروري

قال له خويه أبشر بسعدك .. عطنيي ساعتين وأكون عندك بالدراهم ..

المهم مرت الساعتين ما جاه

وكل ما دق عليه حصل الجوال مقفل

طفش وحس ان الرجال اللي تزهل له ... طلع رخمة

يوم مرت ثلاث ساعات والجوال مقفل أرسل له بيتين شعر

يقول والسامع ما يهون:

شغل جهازك وكلم وين ما تبغي ..

معاد ابي منك لا فزعة ولا نفعة

ابيك مثل الجمل يبرك ولا يرغي

والا انت ما احتلت بألف ريال يا الضفعة..

بيتين قوية جدا ..

المهم ارسلها ولا جاه تقرير استلام

وبعد ربع ساعة

دق عليه خويه

من نفس الرقم

واثناء ما يسأله وين انت ؟؟

جاه تقرير الاستلام

قاله : لحظه جاتني رسالة

خلني اشوف من هي منه .. وقرا الابيات

ورد على خويه وقال : الله يسامحك ..

علي الطلاق ما قفلت جوالي الا اني رحت ابيعه

وشريت غيره رخيص عشان أكلمك أعطيك الفلوس

مؤلمة وقاتلة بل مدمرة

صدق

ابحث لأخيك عن سبعين عذر