البارحه لين انقضى الليل سهران= هنيكم يا دالهين ماتنامون
متكدر بالي ولانيب طربان=امن الوجع سهران والناس يمسون
هات القلم باكتب من القيل مازان=وبأمدح اللي للمدح يستحقون
اللي لهم في ذروة المجد عنوان=ظافر وسحمي للمراجل ينالون
كسابة الطولات في كل ماكان=الطيبه ورث لكم يأل مدهون
ياكاسبين الطيب من غير نقصان=انتو هل العليا عليها تعيون
هواجر يلفون في وقت الاكوان=وكرمان للضيفان لاجاو يلقون
يلقون لامن جاو حيل وخرفان= مع كثرة الترحيب للي يلفون
هواجر دايم للضد شجعان= شرع لهم بالطيب دايم يفوزون
كسابة العليا بصح ووكدان=اللي لصعبات النوايب يشيلون
وفي الواجبه وافين ذربين الايمان=وللمشكله لوهي صعيبه يحلون
وفي مدحي اهل الطيب مانيب غلطان=ولاقلت قيل يأتي القيل موزون
ظافر فخر بالطيب في سر واعلان=ماهو من اللي للفوايد يحسبون
ويقدم الترحيب والوجه ماشان= الطيب ورث ل ال مدهون مضمون
جاني وانا ماجيت له طير حوران =عطى العطيه وقال حاضر وممنون
عطيته جتني بحلف وصفطان=ماهو من اللي للعطايا يمنون
مشكور يابو فهيد ظافر كحيلان= وسحمي عضيده بالمواجب يقومون
واللى لفاهم اللي من الهم حيران= ينزال همه يوم عنه يعدون
كسابة العليا بصح وبرهان =من الواجبه شرع لهم مايصدون
الطيب لهم مكسوب من ماضي الازمان = وشرع لهم من الكايده مايهابون
ابذكر الله عد ما هل ودان=وعد ماينشي من المنشى مزون

هواجـر دايـم للـضـد شجـعـان=شرع لهـم بالطيـب دايـم يفـوزون
كسابـة العليـا بـصـح ووكــدان=اللـي لصعبـات النوايـب يشيلـون

المشاركة الأصلية كتبت بواسطة فارس الكلمه (المشاركة 68890) اخوي الله لايهينك على النقل المتميز وصح اللسان العجمي ويستاهلون بني هاجر اخوك/قهيدان

المشاركة الأصلية كتبت بواسطة بوراشد الدموخ (المشاركة 69016) لا هنت على سرد القصيده وصح لسان العجمي ويستاهلون بني هاجر كفو والله