يا أبو فلاح القرم لا لا(لا) تزود في الحطب =ترا المحاني قد لها فتره وهي متثايره
والدمع لا حاولت أكفه يرجع وينزل غصب=وانا أردف الونه ورى الأخرى وهي متغايره
والحال من بعده ترى ياخوك صايبه العطب=محدن درا عنه من اللي معه واللي زايره
على الخوي اللي ترا خوته خوه من ذهب=اللي على الناموس رجله بالمعزه سايره
مرحوم يا عز الخوي مرحوم يا عز النسب =ياللي ترا الخوه مع غيره تراها بايره
لاكن بقعا ما تجي دايم على عز الطلب=يا كم غالي روحت به في رحاها دايره
واختامها يالله تغفر له بلا ذنب وتعب=وتجعل الجنه عوضه من الحياة الجايره