::: مـنتدى قبيلـة الـدواسـر الـرسمي :::

يالله يلي من ترجاك تعطيه
ياعالمن غيب الضلوع النحيفه
ياواحدن مدتك للعبد تغنيه
عطفك ولا مد اليدين الضعيفه
اساءلك فردوسك عسى منزلي فيه
وتغفر ذنوبي يامجير العفيفه
مالي مع الدنياء عهود ومشاريه
ولاغير ذكرك ياالاهي وضيفه
استغفره واحمده واشكره وارجيه
ومايغضبه قرباه روحي تعيفه
جل جلاله قبضه الكون بيديه
مرسي الجبال الشامخات المنيفه
نجى نبيه نوح والي مواليه
وانجى نبيه لوط واجار ضيفه
وانعم على يعقوب في نور عينيه
من بعد ماكانت عيونه كفيفه
ورد النبي يوسف ولاقى به ابيه
بعد السنين الممحلات العجيفه
وضيع بني اسراييل في غبة التيه
وافنى هل الناقه بريحن صليفه
وقارون زلزل الارض من تحن رجليه
واهوى بروحه وسط دارن مخيفه
واغرق بوسط اليم فرعون واليه
ونجى بدنه يشاف لناس جيفه
ولي ساءله الميت وشلون يحييه
مات الفتى واحياه بمره وكيفه
وباامره نطق عيسى وخاطب محاكيه
ثم ارفعه واشبه على القوم طيفه
وعافى النبي ايوب من كل باليه
يوم التجى له بدموع الذريفه
ومحمد المختار لاحل طاريه
نجاه يوم اوجس من القوم خيفه
الاول الاخر ولاحد يجاريه
ملكه عظيم ولا مليكن وصيفه
النار والجنه بقبضه يمانيه
والحق بين للنفوس الشريفه