افيق تاره وارجع اغيب تاره = من سبة المنّه ومن كثر ما اذوق
لعاد لا نظره ولابه زياره = معاد يبرد حرتي كون طاروق
يابنت ياللي عايشه في الحضاره=(انا بدوي ثوبي على المتن مشقوق)
من طيب ابوي اخذت منه الجساره=على المراجل والنظر رافعه فوق
لو كان يلحقني وراها خساره=في ذمتي ماردني دونها عوق
صارعتنا الدنيا وذقت المراره=منها عرفت ان كل مطرود ملحوق
ترا القمر لوغاب يعرف مداره=لكّن انا بنصحك يابنت برفوق
اما اعلني يابنت باقوا عباره=قولي تراني ما اقدر اعيش ياشوق
ترا الهوا والعشق ليل ن نهاره=صدق ونقا والدرب من قبل مطروق
الحر قالو يكتفي بالاشاره=وانا اكتفيت بماحصل والهوا ذوق
ارجي من اللي مايرجّع قراره=عطفه ولطفه لا وقف كل مخلوق
هني منهو مايضّيع مساره=يسبق بفعل الخير ماهوب مسبوق

المشاركة الأصلية كتبت بواسطة راشد المسعري (المشاركة 697967) من طيب ابوي اخذت منه الجسـاره...على المراجل والنظر رافعـه فـوق لو كان يلحقنـي وراهـا خسـاره...في ذمتي ماردنـي دونهـا عـوق كفو يابو شالح صح لسانك على الأبيات الجزله مبدع في كل حالاتك وفالك البيرق :d13: تقبل ودي وتقديري ،،،

المشاركة الأصلية كتبت بواسطة خالد المشاويه (المشاركة 698158) هنـي منهـو مايضّيـع مـسـاره...يسبق بفعل الخير ماهوب مسبـوق صح لسانك يابوشالح ولا اقدر ازيد شهادتي فيك يقطر دمها ياكحيلان جزيل الشكر والتقدير لشخصك الكريم

المشاركة الأصلية كتبت بواسطة مبارك بن شافي النتيفات (المشاركة 698174) صح لسانك يابوراشد والف الف مبروك الاصدار الاول فالك التوفيق والنجاح