فجر العذاب النادرة نوره يشاف=بعد إن جثم ليل الظلام ووأدها
ولّى عصر تتويجها أرباع وأنصاف= وجاء عصر سبّقها تقدم بيدها
تتايقت جرد السبايا بمشراف=وجات الأصايل تطّرد في وعدها
أخذن لهم مع صحصح البيد محراف=والسابقة توّج جهدها سعدها
وشلون ما تسعد وهي شوطها ناف=بإسم(ن) تبختر به وتمشي وحدها
وأنا لبنت مسابق الريح عساف=وأفرح ليا قالوا هل الريس: قدها
العام لزّت والجماهير وقـّاف= وفي لحظة التتويج كلن فقدها
بس العوض يبدأ من اليوم وخلاف= لن قاله الله ما يخيّب جهدها
أما تلبّس بشت ابو خالد لحاف= ولا نذر ماعاد تدخل بعدها