أبنشـدك عـن سالـفـه فيـهـا عـبـر= فيها مثل يضرب ويروى للورى
لاهــي نـهـر ولا بـحـر ولاقـمـر=ولا شـجــر ولا ثـمــر ولاثـــرى
ان جيت ابي أزور منزلها ظهـر= منزالهـا عكـس اتجاهـي ليـعـرى
لها أبو ماهـوب ابوهـا مـن بشـر=ولا لهـا ام وتاكـل بلـيـا خـشـرى
لهـا مصيـر ويحـتـوي در ودرر=تروى مروايها على وادي القرى
مذريـةٍ مـن غيـر نكـح ولامـهـر= واللي سمع ماهو بمثل اللي يرى

المشاركة الأصلية كتبت بواسطة الكاتم (المشاركة 693356) هذا مالي عليه اعتراض مدري لغز ياعبدالرحمن ولا طلاسم :icon6: والله اني دخت مير الظاهر إني باقرا آية الكرسي قبل امر على الغازك سجل اعجابي واحب امزح مع المطاليق مثلك وشرواك

المشاركة الأصلية كتبت بواسطة مبارك بن شافي النتيفات (المشاركة 693368) ارحب ياعبدالرحمن وصح لسانك وعسى الله يجيب من يحله جااااااااري التفكير

المشاركة الأصلية كتبت بواسطة الكاتم (المشاركة 693612) وش رايك بالكعبه ولا زمزم ولا منى ولا مزدلفة ولا مكه احس انها حول الامور هذي