جزل القوافي من الاشواق مرسوله = مع باقة احساس تاصل ذرب الايماني
وسحر المعاني من الاعماق منقوله = مثل الذهب والظروف العوج تحداني
والحمله اللي على الامتان محموله = الحمل ياصاحبي تقدر له امتاني
لكن بعض الحقايق غير معقوله = تسوقني للعلا وتهّيض اشجاني
ارمي سهوم الهدف وابيّن حلوله = لكن توفيقنا من عالي الشاني
من غاص غبة بحر بيجيب من لوله = مابه فلس دام محزم همتي حاني
جتك المواضيع مبنيه ومجهوله = نبغا نصيد الهدف من بين الاعياني

يامرحبا والسيوف الحدب مسلوله = متحزمن للصعب ومسرّج حصاني
بالصاحب اللي يجي فعله على قوله = محزم ظفر لاتداعا كل قوماني
شاعر وله بالقصايد صوله وجوله = حرن وله ماقفن في كل ميداني
ياصاحبي والبلد ماهيب مؤهوله = ضاع الدليله وراع الحمل عطشاني
الدار قفرن وليله يضفي سدوله = ضاعت هقاويه لا فاول ولاثاني
العلم موجن يخيف الناس من هوله = والحمل ماله سوا منكب بليهاني
جتنا رسالتك يامحمد ومقبوله = للعلم عالم وللميقاف شاماني

يامـرحـبـا والـسـيـوف الــحــدب مـسـلـولـه متحـزمـن للصـعـب ومـسـرّج حصـانـي