عز الله إنا يا بوخالد نحبك =وبيتك لعصمان الشوارب ملافي
من بذلك المعروف يغليك ربك =ما أقول قول الا وكاد يشافي
ما أظن بالمخلوق حي يسبك =عز الله إنك طايل الشبر وافي
بالقلب يالحر النداوي نظبك =جودك بعسرات الليالي يشافي
دايم ببذل الجود يذري مهبك =ما فيك لولا يا ملاذ الضعافي

من لحقه اللاحق لزوماً ينبك =جناب بيتك عن هوى الشبط دافي
أقول للمنبوب هذا مطبك =وهذا هو المسعى وهذا المطافي
على الكرامه في نهارك وغبك =لياشلهبن سود السنين المقافي
يا مغالط الواقع جهنم مكبك =سماً لعدوان الشريعة إزعافي
لا تواجه الباتع بجيشك وقبك =سلطان معروفه على الناس ضافي

سلطان كل الطيب من فيض طبك =أنت الطبيب وفضل جودك اجزافي
سلطان حصلت العلا من مشبك =أقول هذا وأنت ما فيك كافي
سلطان كلٍ وده أنه يضبك =في جانبه يوم أنت عدل وصافي
سلطان باسمك كل شيء استحبك =سميت باسمك عن دروب المهافي
سلطان عند المعضله ما تلبك =أنا أشهد أنك يا بوخالد اسنافي

http://www.al-jazirah.com/20111129/tr1d.htm


]