مافيـه داعــي تـهـلّ الـدمـع مــن شـانـي=بـكــره يـقـولــون لــيــه الــحــبّ بـكـيّـتـه
أنـــــا تـمـنــيّــت تــذكــرنــي وتـنـســانــي =وأنـتـه يــا لـيـتـك تـمـنـىّ الـلــي تمنـيّـتـه
رسايلك جات .. بيـن أسمـي وعنوانـي =وتـعـلّـقــت بــيـــن .. ضـيّـعــتــه ودلــيّــتــه
بـعـض البـشـر لــو يـدوّرنـي مـــا يلـقـانـي=وبعـض البشـر لـو يجـاذب سيرتـي جيتـه
لا تنـشـغـل خـلّـنـي يــــا ســيــد خــلانــي =استسمحـك وقـتـي الـلـي مـعـك مضيّـتـه
قــل فــارس الحـلـم .. خليّـتـه وخـلانـي =أو قــول بالـعـكـس .. خـلانــي وخلـيّـتـه
ياسـيـفـي ودرعـــي وخـيـلـي ومـيـدانــي=الـبــيــرق الـمـنـكـسـر لـــرضـــاك رزيّـــتـــه
أمــوت مــن ضيقـتـي مـيـر الله أحـيـانـي=وجــوارحــي نــــوب لا حــيّــه ولا مـيـتــه
رغم اني اعانـي مـن الوقـت مـا اعانـي=مسحـت صبـري علـى جـرحـي وداويـتـه
يـا اللـي تبيهـا سـوى وصلـي وهجرانـي=الأوّلـــــــه زلّـــهــــا .. والـثــانــيــه لــيـــتـــه
فرشت لك قلبي وشلتك فـي وجدانـي=وأرتحـت فــي قلـبـي المـفـروش وأذيّـتـه
فـي ذمتـك لا تـراودنـي عـلـى أجنـانـي=وصــلـــت حـــــدّ الـجــنــان ولا تـعـديّـتــه
وان قلت وشجاك مدري منك وشجاني=مـغـيــر مــديّــت لــــك كــفــيّ وعـضـيّـتــه
مـاعـاد مــع راســـي الا روس جنـحـانـي=والـريــح لاهـــبّ مـــع طـاريــك هبـيّـتـه
اسمح لي اجرّ صوتي واسحب الحاني=والـشـعـر .. لا ضــقــت غـنّـانــي وغـنـيّـتـه
العـام انـا .. مبتلـش فـي عقـدة السـانـي=واليـوم انــا .. شـاعـرن مــا ينـهـدم بيـتـه

ياللي بسيف الهجر والبعد متفاني=مواري الحب بانت يوم سليته
قلبي بحبك ووصلك كمّ وصاني=وقلبك على البعد والهجران وصيته
مشاعري منك يالمجمول تنخاني=اتقول من يهجرك وشفيك بديته
كنت احسب انك تمناني وتبغاني=وأثرك تسلا بحبي يوم مليته
اعماني العشق والعشاق عمياني=وليتك تعز الخفوق اللي تمثنيته
اغني الحزن والمصلاح لاحاني=وسجوع ورقا الحمايم فيك لاحيته
ياليت قلبي عن الاحزان قدّاني=وخليت دربن معك فالحب سجيته
لكن خضته معاك وبختي انجاني=لو ان جرحي من الاحزان غطّيته
ماعاد يمديك والهجران قد باني=خذ مابقى من جحودن ماتهقويته
ابعد ولاعاد تكتبني وتقراني=أخاف يجرحك حرفن فـيّ خطيته
يامستفيض القصيد اللي مايعصاني=يامستبيح الخفوق اللي تبليته
ياملح شعري ويافكري وقيفاني=لاعاد وقتن معك يازين قضّيته
كنت الغلا والهوى والحب واشجاني=واللي بنيته بوسط القلب هدّيته
لاتحسب اني بعد ماصرت هيماني=مقوى على الحب لامني تحديته
ماقوله افعله ولساني هو حصاني=وقربك لو انك تغير ماترجيته

تستاهل الطيب يابو مطلق ووجهك ابيض

وصح الله بدنك شهاده اعتز فيها طال عمرك

لاهنت على المرور الكريم ..

تسلم تسلم ياكحيلان وتستاهل الطيب

ماعليك زود طال عمرك شهادة افتخر واعتز فيها يالغالي

صح الله بدنك ووالله ان لي الشرف الكبير كونك من جماهيري

لاهنت على مرورك الراقي ..

ياهلا ياويلان

صح الله بدنك

ولاهنتي على كرم مرورك ..