::: مـنتدى قبيلـة الـدواسـر الـرسمي ::: - من قصيدي (سلام للي ساكن سدير وده )

- :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)

- - من قصيدي (سلام للي ساكن سدير وده ) (http://alduwaser.org/vb/showthread.php?t=60175)

من قصيدي (سلام للي ساكن سدير وده )

رسالة الى كل غالي ٍ في ســـدير الغالي

ســـــــاكـــــن ســـــدير

سلام للي ساكن سدير وده

................... الصاحب اللي خابره ما نساني

يا سعود عجل والأمر لا ترده

............... أرجوك عجل طال عمرك عشاني

واليا وصلت سدير فأرجوك بده

......................... قله تراني يشهد الله تراني

دومه على بالي ودوم ٍ أوده

..................... ودي أشوفه جالس ٍ في مكاني

مير البلا يا سعود ما هيب صده

..................... وده يجيني مير حظي رماني

أني بعيد ٍ بين مكة وجده

............... أشكي ظروف البعد وأشكي زماني

وهو زمانه واقف اليوم ضده

................... رماه بعد الدار ثم ٍ رماني

ربي سألتك يا إلهي تمده

..................... وياي وصل الود والعمر فاني

وصل المحبه بالمحاني نشده

...................... ونربط عليها سبعها والثماني

وصلاة ربي عِــد يوم ٍ نعده

......................... على محمد عِــد مر الثواني

أحمد بن محمد الجــــردان البدراني الدوسري

أبــــــــو بـــــــــدران