الطيب كله ماثل بشخص رجال=رجل تفرد في صفات الرجوله
مضرب مثل لاقول تضربه امثال=في وصف ابوناصرعجايب ادلوله
حرشلع في طلعته طيب الفال=فراسته من عهد سن الطفوله
الدايلي يتعب على دربه اجيال=لوكل بدربه يدرهم ذلوله
خيرة بني عمي من الجال للجال=ماهي رديه ميرماهيب حوله
الشامخ الجزام للعز خيال=مسرج على وحي المراجل خيوله
له وقفة تعرف على ضيق الاحوال=لاضيع العاجز وعجزت حلوله
يشيل ماشال البليهي من اثقال=الى رغا من يدعي باالفحوله
لوكل يوم اجرصوتي بموال=واسبح بحورالشعرعرضه وطوله
يبقى محمد فوق هامات الامال=الدايلي فوق القصيد وقبوله
هذا الكلام وكلمة الحق تنقال=وكل يعدالي يشوف ويقوله