::: مـنتدى قبيلـة الـدواسـر الـرسمي ::: - ..:::][ الحــق شـف الغيره وما تسووووووي ][:::..

بسـم اللـه الـرحمـن الـرحيـم

الســلام عليـكم ورحمـه اللـه وبركـاتـه

فيه واحد ماله الا وخيتن وحده << بروايه اخرى اخت وحده ويغليها مايشوف ولا يرى غيرها
وهو متزوج ولكن مانقص غلا اخته عنده عقب مااعرس
لان ابوه وامه توفوا وهم صغار ومن طلع على الدنيا وهو مايشوف الا وخيته وكبر غلاها مع الايام
لكن زوجته ماهوب عاجبها اللي يصير http://smilies.sofrayt.com/%5E/b/smokin.gif
تغار ليه زوجها يغلي اخته وهي مجحوده وبدت تفكر وشلون تزحلق اخته ويفضى لها الجو مع زوجها http://smilies.sofrayt.com/%5E/s/evil.gif
جتها فرصه على طبق من ذهب واستغلتها راح زوجها للحج وبقت هي واخته وقامت تفكر وش تسوي في اخته http://smilies.sofrayt.com/%5E/c/uptosomething.gif
قالت لها ومسويتن فيها ملامح بريئه وهي ام الخبث واللعانه
قالتها لها انتي تحبين اخوتس وتغلينه صح http://www.eqla3.com/vb/images/smili...20of%20036.gif
قالت ايييه والله مالي في هالدنيا غيره لو اذبح عمري على شانه ولا يمسه البلا http://smilies.sofrayt.com/%5E/y/remybussi.gif
قالت طيب ابلعي هالبويضتين << بيضتين ولا تقرشينهن لو ان انكسر وهي بفمتس بيصير بـ اخوتس بلا وكانها سقطت في بطنتس امورتس طيبه ويرجع لتس سالم من الحج اخوتسس ولا به الا العافييه

((الخبيثه جايبتن لها بيضة حيّه وبيضة غراب وبلعتهن المسيكينه وبقن في بطنها )))

وعقب فتره البيض كل ماله يكبر في بطنها
رجع اخوها من الحج
وجته مرته وقالت تعااال مادريت وش صار شفت هالملعونه وش سوت فضحتنا وكشفت سترنا وسودت وجهك http://smilies.sofrayt.com/%5E/s/diablo.gif
قال وش فيه قالت اختك حامل http://smilies.sofrayt.com/%5E/s/diablo.gif
قال اعقبببببببببببببببببببي يالخاسيه اختي ماتسوي هالسوايا
قالت انا اقولك ماريتها
قال وش هي ؟
قالت خلها تفليك بالقايله واذا قالت لك ذبحتنا الشمس توديك للضلال واذا راحت للضلال قالت ذبحنا البرد خلنا نروح للشميسه
قال والحكمه ؟
قالت توحم ولا تداني لا الضلال ولا الشمس
اخوها دارت بها الدواير وضاقت به الوسيعه وراح لها كما الريح يبي يتوكد من السالفه وهو يدعي يالله عساها ماتكون صدز
وراحوا وصار اللي قالت له زوجته صدز
درى ان اخته حاملhttp://smilies.sofrayt.com/%5E/k0/bgrfreak.gif
وجلس هو وزوجته << ملعونة الجدف يفكرون وش لون يتخلصون منها ويقلعون مداها باللي هي به
قالت له ان خليناها هنا كبر بطنها وجابت لنا الفضيحه لكن اذبحها وفكنا من شرها
الدلخ صدق وقال مالها الا تسذا موتتها حلال
راح يم اخته وجلس عندها وهو مبتسم << وجه اللي به بلا ويرقع
قال ماودتس نروح نقنص ؟؟ وهي كـ عادتها ماترد له طلب
قالت يالبيه نروح للي تبي وراحوا للبر وهو ناوين ذبحها http://www.eqla3.com/vb/images/smili...20of%20036.gif وهم بالطريق ويتذكر سوالف قبل هو وياها وشلون تربوا جميع والايام اللي راحت وهو معها ووصية ابوه وصار شريط ينعاد في دماغه http://smilies.sofrayt.com/%5E/q/bawling.gif << جعله الفضخ وهو ناوي انه يذبحها ليا نامت
انكسر خاطره عليها وقال اجدعها ابرك من ذبحها
ويوم حل عليهم الليل نامت البنت وهي شكت بالوضع حست ان اخوها ناوين عليها نيتن شينه ويوم ناموا وهي تربط شماغه برجلها على شان مايسري ويخليها النذل قليل المروه
يوم شاف ان البنت نامت وهو يقطع شماغه وينحاش ويخليها لحاله بالبراري حسبي الله عليه (لحضه بصيح)
قامت البنت واتلفت تدور اخوها يااخوي وينك ياشقيقي ياعضيدي وتشوف رجلها الا الشماغ مقطوع وتقوم تبتسي http://smilies.sofrayt.com/%5E/q/bawling.gif
وتصيح واحسافه ليه انا وش سويت لك ياوخيي
سنعت نفسها البنت واعتاشت منا ومنا دبرت نفسها ومرت الايام عليها وولدت
وجابت حيـّــه و غــــراب http://smilies.sofrayt.com/%5E/d/spy.gif
الحيّــه دايم حولها وتلفلف عندها تحميها ولا يقرب احد حولها امها قامت تفح عليه << الحيوان ارحم من اخوها

والغـراب يصيد لها من الارانب والطيور ويجيب لاأمه ((( واششششششششيب عيني ياسبحان الله )))

وبقت مع عيالها ماخلوها الحيه حولها والغراب يدور لها اكل
كبر الغراب وحست انه يعتمد عليه يعني رجال في وقتنا http://smilies.sofrayt.com/%5E/r/grins.gif
قالت ياوليدي رح دور خالك وهذا شماغه شم ريحته ودوره << من الوفا الشماغ ماقطته شايلته
قال ابشششششري اجيبه لتس اللحين احووم منا ومنا لين القااااااااااااااه
الغراب كل ماشاف له احد نزل له وقام يحوم عليه يشم ريحته هو خاله ولا لا
ويلقى اكا الرجال يذبح له خروف ويقرب له ويشم الا والله هذي ريحة خاله قليل الخاتمه
وينتف من شعره
ويوم راح خاله ويغر الشماغ بالدم على شان يتبعه خاله ويتبع اثر الدم
وشين الحلايا ماتبع الغراب http://al-zen.com/vb/images/icoksa7/14.gif
راح لربعه ويقول فيه غراب يحوم علي ولا ادري وش قصته وصار الغراب كل يوم يحوم حولهم ورجع لاامه قال يمه لقيته لكن شكله مهوب يمي ساحبن علي مايرد والاشارات مانفعت وش السواة غريت الشماغ بالدم قلت يمكن تبعني
وهو ولا هو هنا
نتفت من شوشته وقلت يمكن يفهم لكن سطل مايدري وين الله قاطه http://smilies.sofrayt.com/%5E/r/grins.gif

قالت شف ياوليدي خذ هالبيت وليا شفته قلها له اغديه يفهم
قال سمي

ياخــــــــــــالنـــــــــــــا ياالطنـــــقــــره ,, يابيــــــــّــــــاع اختـــــــــــه بالمــــــــــره

الطنقره = زلابه

راح خاله لربعه وقالهم يالربع السالفة كذا وكذا وش الدبره علموني وش يبي مني هالغراب اللي متولجني
قالوا ليا شفته اتبعه واغديك تفهم هذا يبي منك شئ وشيّن كايد لكن الحقه وشف وش السالفه
وجا الغراب وقام يحوم على راس خاله
تبعه خاله وقام يمشي وراه لين وصلوا مغـاره
لقى حيــّــه عند باب المغــاره
ويوم شافته الحيــه وهي تلتف عليه تبي تـاكله
طلعت ام الحيــّـه قالت سعيده سعيده هذا خالتس وانا امتس
سعيده << الحيــّه http://w6w.net/upload2/15-11-2005/w6...130d65b82f.gif
تركته الحيــّــه وقامت تفح من الفرررحه والغراب فوق المغاااره يحوم من الوناسه خالهم رجع
اخـوها طاح حنكه من كثر ماهو فاقن خشته من هول الصدمه
وتعلمه السالفه كلها
ودرى انا اخته مضلووووووومه << وش عقبه يالتسلب .

قال وانا اخوتس والله لااخذ حقتس راجعن لتس عندي شغيله مبطي لازم اني انهيها بروح اخلصها واجيتس

وراح لزوجته الا تغسل شعرها وتطالع فيه قالت هلا هلا قلط بزيّن لك القهوه
قال انا اللي ابي ابل تسبدي بها جيبيها بس
ويوم جابت القهوه وهو يكبها على النار ويثور قال ياتسلببببببببببه ياملعونة الخيّر تتهمين اختي بشرفها وفرقتينا وخليتها بالبر كله منتس
لكن ان كان فيه احد يستاهل الذبح هو انتي قال علميني وش سويتي بها ؟؟؟
قالت له السالفه انها عطتها بيضة حيـّه وبيضة غراب على شان يكبر بطنها وتظن انها حامل وتذبحها
لانك تغليها اكثر مني
قال الموت اللي يغليتس
قال خذيها وانا ولد ابوي وذبح مرته
ورجع لااخته ورجعت ايامهم الاوله
وقال ياخوتس اذبحي عيالتس وانا اكفيتس عنهم
قالت معصصصصصصصصصصي هذولا اللي عزوني وحموني بغيابك
رضخ اخوها للامر الواقع وعاش اخوها وهي وسعيّده والغراب وعاشوا عيشه هنيّه
وسلامتكم
تراها صدقيـــه اللي يقول نصــب ابي افقع وجههhttp://smilies.sofrayt.com/%5E/r/biggrin.gif

مسـروق بـتـصـرف http://smilies.sofrayt.com/%5E/r/approve.gif