::: مـنتدى قبيلـة الـدواسـر الـرسمي ::: - يبكي عليه الصحن والنجر والدله

- :: قسم الـشعر العــام :: (http://alduwaser.org/vb/forumdisplay.php?f=16)

- - يبكي عليه الصحن والنجر والدله (http://alduwaser.org/vb/showthread.php?t=59729)

يبكي عليه الصحن والنجر والدله

قصيده للشاعر / ظافر الحصني الخرفاني الدوسري في رفيق له توفى يقال له عبدالله وأختلف الرواه أحد قال من ال عمار الدواسر واحد قال من السهول
واليكم القصيده:

البارحه ساهر وكني على مله ** والقلب تقبل هواجيسه وتاتي به
القصر يبغى صبي مثل عبدالله ** لانوخ الضيف تال الليل يدري به
يبكي عليه الصحن والنجر والدله ** والضيف لاجاه جافينه معازيبه
ويبكيه خطوا رفيقن مابعد مله ** لاجاه من غربتن يبغى تعاجيبه
وتبكيه هجنٍ من المطراش منتله ** لاجات من صوب فجٍ عاوين ذيبه
وتبكيه بيضٍ على فرقاه مختله ** لادورت له بديلن وين تاتي به
ارث فهودن تغذا بين خلق الله ** والضو سمرن ولاادري عن مشاهيبه
يارب أنك تحلل بطن من شله ** اللي يكثر على الضيفان ترحيبه

هذا اللي احفظ منها والمعذره على القصور وأرجوا ممن يعرف أكثر الا يبخل علينا بمشاركته ولكم مني جزيل الشكر والتقدير ،،،