::: مـنتدى قبيلـة الـدواسـر الـرسمي ::: - الله على كسرة الخاطر يسامحك

- :: قسم الـشعر العــام :: (http://alduwaser.org/vb/forumdisplay.php?f=16)

- - الله على كسرة الخاطر يسامحك (http://alduwaser.org/vb/showthread.php?t=59622)

الله على كسرة الخاطر يسامحك

سماء :
رح بـشـّر اللي ملتفت لك يناديك
قله تركته لخاطرك ما تأخرت

النص :

من ضيم الايام قلي وين ابـ القاك
ودي اشوفك تبسًم لجل اسامحك
:
مدام حرفي طفل كيف اتهجاك
وكيف انتهي من مضاويك ومسارحك
:
لاتحسب ان الفراق يرتب اشياك
ماهو بكيفي افارق لجل افرحك
:
على مشاعر خفوقي آآه مـ اقساك
ياليتني قبل لافارقك ذابحك
:
وقفت صمت وثوانيًي تحراك
ياحزن الايام طافك موعد الضحك
:
اقول باكر على الله اقدر انساك
ويمر هـ اليوم يتركني لـ بارحك
:
للشمس حزن الرحيل ولي شباك
اشوف منًه الفرح لما يصافحك
:
جيتك خطاوي عطش تشفق على ماك
واقفيت ضامي كـ آني كنت جارحك
:
مستولي الحزن فيني يوم خلاك
عجزت اكافح تفاصيله واكافحك
:
خليتني للضنون وخيبة اخطاك
ترسم على وجهي الشاحب ملامحك
:
بـ اقول لاجابت الايام ذكراك
الله على كسرة الخاطر يسامحك

آرض :

ارمني لـ الطيش من ابعد حدودك
واسقني من غيم رحمًتك لـ عذابك
كنت خايف يكبر الحب بوجودك
والبلا حبيتك اكثر في غيابك