مندوب لاجيت الحمايه تنشد=انشد عن ابن سحيم ذرب الفعالي
تلقاء تراحيب وبن مقند=وتلقاء الشحم عنده كريم السبالي
قله تراء من جيته ماتردد=لاكان وقتي يشلي ماصفالي
سلم عليه وقله الحال منهد=من يوم شفت البوم صوته يلالي
رفقتك عندي ند والناس في ند=خوتك يابن سحيم هي راس مالي
مثلك وشرواكم يشد الضهر شد=ونعم بكم في الضيق يابن الرجالي
فعلك عرف بالطيب يا وافي المد= كسبت طيبك من جدود وخوالي
ياسعد منهوله ليا احتاج مسند=سالم صبي المرجله مايمالي
يجعل يفداك الردي قاصر الجد=اللي علي النمات طبعه يسالي
اقبل تحياتي مع صادق الود=اعداد ماهبت نسيم الرمالي

يانديبي فوق شاص ولا غيره بديل=في الطريق الوعر ولا مع الارض الجلد
سايقه من خيرت الربع في المسرى دليل=مايدور للمخاتم يمثنيه القعد
ناصي قرم شجاع وكساب الجميل=راعي الوقفات وجهه يبشر بالسعد
نسل قوم في المعارك وفي اليوم الثقيل=تلطم العايل وتمنع قليلين الجهد
سالم بن سحيم هو شوق منسوع الجديل=عافت الخطاب ماهي تبي غيره ابد
وصله مني سلام مع هرج جزيل=وقله ان الناس ترقد وطرفي مارقد
والصدر كن فيه نار ومجمرها كليل=شبت الزيران منها ولا بانت لحد
من زمان يقمع القرم ويعز البخيل =وشيخ رخوم مع القوم تكمالت عدد
والقنوع للي من المال يرضى بالقليل =كيف عيشه يوم سوق الموشر ماصعد
عزتي للي تمانيه فوق المستحيل= كيف ياصلها وهو جاهل نصف البلد
والسلام ختامها عد قنف مستخيل=وعد ماينثر علا القاع من وبل وبرد

وفيت ياراع الوفا كاسب الطولات=وتجملت جعل أيامك أعوام وسنيني
كسبت العلوم الطيبه كلهابالذات =على غم الأعدى والحسدوالردييني
خوي الخوي في كل حاله من الحالات =تسره بوقفاتك معه يحمرالعيني
ولاالطيب يستغرب من اللي لهم عادات=مثل سالم بن سحيم زبن المجنيني
يدوم البقابه جعل يبطي وهومامات=أخي دامني حي وشوفي يقديني