سلامي سلامن فية فكرة وتفكير= على من قرا التسليم في كل ليلة
تهرج يابومطلق عسى فالمر خير= عسى المزن تسقي من تقطع صميلة

هلا بالمسلم عد ماغر الطير=هلابه هلابه عد وبل المخيله
تهيضت يالراقي مع الثلث الاخير=عسى الله يقديك العلوم الجزيله

يدوم البقابك وانت فالدرب وتسير= ولا قبل هذا الليل سالت مسيلة
لياصرت يامحمد مقر المسايير= لزومن عليك اتطوع المستحيلة

عسى ليلتن جتبك تعود على خير=تحزم ترا الطرقه يالراقي طويله
بناخذ معك جوله معزه وتقدير=على سلم الاجواد واهل الفضيله

انا مابلاني غير تدقيرة القير= لياقر قيرة بعد مافتر ويلة
مدام انت من روس النشاما هل الخير=عرفنا سبب قتل الفتاة الجميلة

عسا الله يمحاك ياعاكس السير=احفظ تيدرك وانتبه للتريله
نبي نطبعك ياولد بالتقارير=بعد ما تبرا الخليل لخليله