سلام الله سلام فيه ردية وهاك وهات=وأنا أقول أولتها وأنت تعرف وش معانيها
أنا ما همني بعض العرب لو راحت ولو جات=لها رب كريم فالقسا ولين يعطيها

هلا يا مرحبا ترحيبة من خاطري بذات=على وضح النقا وهل الوفا نكشف معانيها
أنا أشوف العرب متغيرة والعب على ما فات=على شان العلوم الطيبة كل يغنيها

ولك نيه ولي نيه وربي يعلم النيات=وأنا أعرف هقوت الرجال وجرحها وداويها
ليامنك ورثت المرجلة لا تخلف العادات=وعينك بعد ما كحلتها لا عاد تعميها

تقوله والمثل يبقى على عهد الوفا ما فات=عساك من الرجال اللي صلاته ما يخليها
تخوينا على مبدا ثمين وفيه بعض ابيات=وأنا مدري علومك يا محمد وين أوديها

ترانا ما نشره غير للي يفهم الشرهات=ولكن مثلكم وسواتكم وش عاد يدريها
ولا يلي وراك صكوك ولكن ما عليك اثبات=ترى العاقل يعرف الناس صايبها ومخطيها

هزمنا الحفنة اللي ذنبها يكفي عن السيات=لقينا المشكلة في الديرة اللي عايش فيها
ترى حبل القضية منفلت ماني لكم شمات=رواية والرواية بين كاتبها وقاريها