::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم إبداعات شعراء المنتدى ومساجلاتهم :: (http://alduwaser.org/vb/forumdisplay.php?f=17)
-   -   جديد الشاعر محمد ال حشفل الخضراني (http://alduwaser.org/vb/showthread.php?t=58841)

هادي الخضراني 13-05-2011 10:35 AM

جديد الشاعر محمد ال حشفل الخضراني
 
اعظاء منتدانا الموقرين كما وعدتكم بطرح ما يجد لدي من قصائد لعدد من الشعراء يسرني تقديم هذه القصيده للشاعر محمد بن محسن بن حشفل والتي نشرت فالعدد الخامس من مجلة الباديه تقبلوها مشكرورين


يقول منهو لابناء محكم الشور=يختار من جزل الكلام وسمينه
قول يعبر به من احساس وشعور=عن ما يشوف وما يخفي كنينه
يموت به ما قال ظلم ولازور=ولا تسول به ونزل يمينه
الا لقول الحق والحق له نور=بين وعراف العرب مرتضينه
من باب هذا المنطلق صرت ماثور=ابحث به اللي خافي واستبينه
انشد وانا ما سند على كل مثبور=ولا احط لي مارود بيني وبينه
الا على من كان بالعرف مذكور=لامن هرج ماجاب كون الثمينه
ابا نشدك ياللي للامثال دكتور=وبانتظر للرد منك بحينه
عن علم ربان قطع عدة بحور=وش خط سيره يوم قاد السفينه
الا ومربها محيطات ونهور=وارسى بها في كل ساحل مدينه
ونقول له في منتهى السير ماجور=الله على بعد المسافه يعينه
لونه باللي صار ماهوب معذور=عن صدته ما دور الدرب وينه
جنب بها ميناً مدى العمر مخبور=اجمالي اهل الغوص متذاكرينه
عن هوج صلفات العواصف له جسور=بواخره ترسي عليه بسكينه
المشكلة ما هوب من قل مقدور=ولا بعد باسباب بغض وضغينه
ولاهوب نسياناً ولا سبة غرور=ولا هوب شكٍ مادرى عن يقينه
سوال كم له يطرق الذهن ويدور=حله تحير به العقول الذهينه
يبقى مع من صدر الحكم ماسور=الا ان نواه العفو واطلق سجينه
ويقال له في نهاية الامر مشكور=لا عد ما سمعه وشافه بعينه
ولا ثبت بانه تجاوز لمحظور=عزم على رايه وفعله يدينه
هنا لشرهات النشاما يجي دور=لو كان منها ما عليهم غبينه
لانهم هل الطالات ركابة الكور =واهل المواقف يوم سوق الضعينه
مو اقف تنعد من ماضي عصور=ماهوب علم توهم بادعينه
ودليلهم موجود وشهوده حضور=سلم الوفاء والطيب متوارثينه
قلته وانا ماقول لاحدٍ به قصور=والعلم سيور العرب عارفينه
دمتم سالمين

اسد الوادي 13-05-2011 10:47 AM

رد: جديد الشاعر محمد ال حشفل الخضراني
 
لاهنت يا اخييي الشاعر
هادي الخضراني
كلمات روعه وصح السان اخييي الشاعر
محمد بن محسن بن حشفل
وسلمت ايادي الناقل للقصيده الجزله
وفي انتظار ابداعكم


http://www.uaemusics.com/uploood/ima...oofdj2f9cu.gif

يا حلو الايام لو ترجع على كيفـــــــي
ما كان قلبي شـكى فـرقا مواليفـــــــه
كانـوا بقـربي ولا يحتـاج تكليفـــــــــي
واليوم راحوا ودمعي صعب توقيفـــه


&&&
اخواني واخواتي الشعراء والشاعرات مشاركتكم
في هذا القسم
بالقصائد والخواطر تضفي عليه النور


http://www.uaemusics.com/uploood/ima...z4d5hcu4f8.gif

مبارك بن شافي النتيفات 13-05-2011 11:00 AM

رد: جديد الشاعر محمد ال حشفل الخضراني
 
يسلام ياسلام

صح لسان الشاعر محمد بن محسن بن حشفل

وسلمت يمناك على النقل ياهادي

دمت ودام ابداعك

تحياااااااااااتي

شافي بن راشد النتيفات 13-05-2011 11:13 AM

رد: جديد الشاعر محمد ال حشفل الخضراني
 
ارحب ياهادي وحيه وحي ماجاب بيض الله وجهك
نقل هذه الدرة الشامخة لرجل شامخ صح الله
لسانك ولسانه وبلغه السلام

خالد المشاويه 13-05-2011 01:33 PM

رد: جديد الشاعر محمد ال حشفل الخضراني
 
صح الله لسان ابن حشفل من فهو احد كبار الشعراء

ولاهنت عالنقل ياهادي وسلمت يمناك

غازي المسعري 13-05-2011 01:35 PM

رد: جديد الشاعر محمد ال حشفل الخضراني
 
صح لسان الشاعر محمد بن محسن بن حشفل

وسلمت يمناك على النقل ياهادي

عبدالرحمن بن فلاح آل بريك 13-05-2011 03:35 PM

رد: جديد الشاعر محمد ال حشفل الخضراني
 
صح الله لسان الشاعر الكبير /

محمد ال حشفل الخضراني ..


ولا هنت هادي على النقل المميز ~~}.

عبدالله الحافر الغييثي 13-05-2011 11:33 PM

رد: جديد الشاعر محمد ال حشفل الخضراني
 
ارحب ياهادي وحي ماجبت درة نادرة ونفيسه تصعب الا على شاعر بحجم ابومحسن صح لسانه واعتلى شانه مدد بلا عدد ولاتبخل علينا بجديد هذا العملاق

فهد المقابله 14-05-2011 10:10 AM

رد: جديد الشاعر محمد ال حشفل الخضراني
 
صح الله لسان ابن حشفل من فهو احد كبار الشعراء

ولاهنت على النقل ياهادي وسلمت يمناك

راشد المسعري 14-05-2011 11:07 AM

رد: جديد الشاعر محمد ال حشفل الخضراني
 
ارحب ياهادي ، حي وحي ماجاب وصح لسانك ولسان ابو محسن

أبيات جزلة قرأتها أكثر من مرة لجمالها وغموض بعض أبياتها وهذا ما جملها أكثر وأكثر

صح لسان ابو محسن مرة أخرى وقصيدة جزلة من شاعر شهادتي فيه مجروحه

تقبل ودي وتقديري ،،،،

محمد بن سالم الخضراني 14-05-2011 12:10 PM

رد: جديد الشاعر محمد ال حشفل الخضراني
 
صح لسان ابن حشفل ولاهنت ياهادي الخضراني

جزل ولا فيه حيله

هادي الخضراني 18-05-2011 02:59 PM

رد: جديد الشاعر محمد ال حشفل الخضراني
 
الاخ اسد الوادي سلمت يمينك والله لا يهينك مرورك شرف

هادي الخضراني 20-05-2011 10:33 AM

رد: جديد الشاعر محمد ال حشفل الخضراني
 
ابو شافي الدوسري الله يعطيك العافيه على مشاعرك الصادقه تقبل شكري وتقديري

دغش محمد الصخابرة 20-05-2011 10:46 AM

رد: جديد الشاعر محمد ال حشفل الخضراني
 

صح لسان الشاعر محمد بن محسن بن حشفل

وسلمت يمناك على النقل ياهادي


تحياااااااااااتي

هادي الخضراني 22-05-2011 09:13 PM

رد: جديد الشاعر محمد ال حشفل الخضراني
 
الاخ شافي راشد النتيفات بيض الله وجهك على التعقيب


الساعة الآن 02:15 PM

Powered by vBulletin® Copyright ©2000 - 2025, Jelsoft Enterprises Ltd.
---