|
((يا اغلى البشر))
السلام عليكم ورحمة الله وبركاته وبعد00 أحبابي وإخواني في منتدى الدواسر هذي أول مشاركة لي في منتدى الدواسر واتمنى أن تنال إعجابكم وهي قصيدة كتبتها لوالدتي لكثرة إهتمامها بي وأنا بعيد عنها حيث أني أدرس الماجستير خارج المملكة الحبيبة فكتبت لها هذه الابيات أعبر فيها بشئٍ في نفسي تجاه امي الحبيبة اطال الله في عمرها على الخير 000وعسى أن تنال إعجابكم وتراي شويعر مبتدئ بعد لاتذبحونا بانقد ترى راح أنسحب واللغي المشاركات000((ترى أمزح ))أقوووول:
يا اغلى البشر منزلك بين الحنايا=مايسكنه غيرك ولو كان من كان يمه يااااااامحلى منك كلمة ظنايا=لقالها إللسانك بقلبي لها شااان يمه يااااامحلى فيك حسن النوايا=والقلب مايكره ولافيه حقرااااان يمه قصيدي لو كتبته ملااااااااااايا=في وصف مثلك ماتكفيه الاوطان ياما طلبتك وترفضين العطاااااااايا=ورحمتك ليه غالبه كل حرمااااان ومن خوفك أزعل وتحرميني عشايا=ياسرع ماتعطيني يارحم إنسان يمه فديتك كل عمري ضحااااااااااايا=لرضاك أبسعى وخابرن فيه نقصان يمه إذا ارضيتك ترى ذا غنااااااااااايا=يرضى علي الله جزاء با لحساااااان يمه أنا مشتاقلك ياااااااااااااهناااااايا=مشتاق اشوفك إيه بالحيل ولهااان مشتاق أشوفك في صباحي ومسايا=لشفت زولك تنجلي ذيك الاحزااان وفي غربتي بعدك ترى هو شقااااااايا=الله يحفظك لي على طول الأزمان وسلامتكم أخوكم فهد مطر |
آخـوي ً وجـد ً او فهد المطر , إن شا ءلله تجي وانت وشهادتك معك سالمن غانم , تروح وتاصل بالسلامـه إن شـاءللـه , واللـه يطـول بعمـر عجيـزك , وتقـر عينك بهـا , وصصصصح لسااااانك ملايييييين .
ونتظر المزيد من بوحـك . |
صح الله لسانك يا وجد على ما كتبت
والام مهما كتبت او قلت فيها ما راح توفيها حقها وعسى الله يطول بعمر امك ويرزقها الصحه والعافية ويوفقك في دراستك وكان ودي انك كتبت هذي القصيدة في قسم الابداعات الشعرية عشان يشوفونها الشعار ويعطونك رأيهم وعساك على القوة |
شكرا على مرورك يا قرم القرووم إنت وأخي سالم الغريري والله يجعل لكم نصيب من دعائكم00وراح أنقلها لقسم الإبداعات الشعرية ولا يهمك ياأخي سالم لو إني هاج من النقد لكن الله يعين وعلى قولت إخوانا المصريين اللي يخاف من العفريت يطلعله000
|
صح الله لسانك يا وجد على ما كتبت والام مهما كتبت او قلت فيها ما راح توفيها حقها وعسى الله يطول بعمر امك ويرزقها الصحه والعافية ويوفقك في دراستك وعساك على القوة وإسمحلي على إعادة التنسيق عاطر التحايا القلبية من محب الجميع : دغش البطي |
الشاعر: فهد بن مطر صح الله لسانك على ما كتبت والله يخلي لك عجوزك ومهما كتبت او قلت فيها ما راح توفيها حقها وعسى الله يطول بعمرها ويمدها بالصحه والعافية ويوفقك في دراستك دمت أخي ودام همس قوافيك يرن بمسامعنا ولاتبطي بجديدك ،،، |
الإخوان ماجد ودغش وابو فهيد
اشكركم على مروركم ,, وإطراؤكم ,, واعدكم بالجديد ’’’’’’’’’’’’’’’’’’’’’’’ةة |
الساعة الآن 04:58 AM
 |
Powered by vBulletin® Copyright ©2000 - 2025, Jelsoft Enterprises Ltd.
---