يــا الله لا إلــه إلا أنــت يالـقـادر المتـعـال = عبدتـه جهـر وآمنـت بـه قبـل مــا أشـوفـه
أنــا فــي رجــاه وفــي ظـلالـه عـلـي ظــلال = وهبـنـي رجــاه وشـــد قـلـبـي عـلــى خـوفــه
أعـوذ بجنـابـه مــن مـقـام الصغـيـر الــذال = ومن شمسٍ تبين اليوم والصبح مكسوفه
عسى شايعتنا فـي عيـون الرجـال إجـلال = وعـسـى عايبتـنـا خـافـيـه غـيــر مكـشـوفـه
انـــــا والـلـيـالــي كـــــل يـــــومٍ لــنـــا مــــــوال = مــــوال ينـبـيـنـي عــــن الــوقــت وصــدوفــه
أسوق الركايب ليـن تاقـف علـى الأطـلال = وبوصل حدود الياس ما ألحقتـه حسوفـه
مـا كــلٍّ يـسـد الـحـال تـشـرح لــه الأحــوال = الـعــربــان بـالـعــربــان مـــاهـــي بـمـكـلـوفــه
أمــا يـشــرح الـرجــال ظـرفــه عـلــى رجـــال = وإلا يـسـكـت الــرجــال لا يــشــرح ظــروفــه

عسى الله يبيّض وجه مبخوت إبن هذّال =عز الله العزيز إنه ملكني بمعروفه
لا ضاقت نصيت المسعري مكرم الهشّال =طويل الذراع اللي تباشر به ضيوفه
حميد النبا زين الطبيعة وسيع البال =يشيل الجناب الدمث في راحة كفوفه
شرهات المدايح رايمات الجناب العال =قدم الزايدي مثل البعارين مصفوفه
إذا ان المكارم عند ربي لها منزال =فهي بينه وبين الكريمين منصوفه

المشاركة الأصلية كتبت بواسطة محمد بن فهد الرجباني (المشاركة 674704) صح الله لسان الشاعر ابن جدلان ولا هنت اخوي ابو حسين على الذائقة الرائعه والتنويع الجميل ابداع في ابداع تحياتي وتقديري~ْ،

المشاركة الأصلية كتبت بواسطة راشد المسعري (المشاركة 674718) هلا يابو حسين صح لسانك ولسان بن جدلان وقصيده مطلعها لجوء واعتصام بالله عز وجل ولكن للتنويه يابو حسين لك وللقراء الكرام : فتبقى جزء آخر من هذه الأبيات وهو مناسبة القصيدة ولبها وهي مدح في مبخوت بن هذال الغباشين المسعري حيث يقول في تكملة الأبيات: عسى الله يبيّض وجه مبخوت إبن هذّال =عز الله العزيز إنه ملكني بمعروفه لا ضاقت نصيت المسعري مكرم الهشّال =طويل الذراع اللي تباشر به ضيوفه حميد النبا زين الطبيعة وسيع البال =يشيل الجناب الدمث في راحة كفوفه شرهات المدايح رايمات الجناب العال =قدم الزايدي مثل البعارين مصفوفه إذا ان المكارم عند ربي لها منزال =فهي بينه وبين الكريمين منصوفه

المشاركة الأصلية كتبت بواسطة محمد مطلق آل بريك (المشاركة 674757) لاهنت يأبو حسين على النقل وصح لسان ابن جدلان وبيض الله وجه أخوي راشد المسعري على التعقيب والايضاح تحياتي وتقديري ودمت في حفظ الله