" مامرك الشوق يوم وجيـت تطرينـي = والا تعـودة ياعمـري علـى غيابـي
وين انت عني ؟؟ ولاتدري انـا وينـي = خليتنـي ورحـت والله بعـدك ادرابـي
الله وكيللـك غيابـك بعثـر سنيـنـي = من غبت عني وانا عايش على اعصابي
ياكثر مااذكر وش اللي بينك وبينـي = ارتاح لحظه وساعه اكره اصحابـي
لاراضـي القلـب ينسـاك وينسيـنـي = ولاراضي الحب يقفـل دونـك ابوابـي
ظليـت للحـزن ياخذنـي ويوديـنـي = والدمعه اللـي بعـد فرقـاك باهدابـي
والشوق واحساس قطع لـي شرايينـي = والشعر واحلى القصايد فيك وعجابـي
والحيره اللي عقـب صوتـك تبكينـي = والليـل وعيـون عذابـي تشفـابـي
ماكنـت ادري بقلبـك راح يطويـنـي = لو كنت ادري حسبت لقلبـك حسابـي
قلي من اللي على فراقـك يعزينـي ؟؟ = وانا خسرة لعيونـك معظـم احبابـي ؟
ياضيقـة الصـدر عيّـت لاتخلينـي !! = ملعون ابو الحب هجره ويش سوابي ؟
لاالصبر نافـع معـاي ولابقـى فينـي = شي يتحمل بعـد واصبـر ويبقابـي !!
وين انت ودي اشوفك يابعد عينـي ؟؟ = ماعاد للقلب طاقـه يحمـل اتعابـي !!
تعـال خذنـي وضـم ايديـك بيدينـي = ودي اضمك قبـل للعمـر يفنابـي !!!