رعا الله خيال مرني و العباد رقود=عرضلي بهجعة ساير الناس و أوقضني
حرمني منامي و أودع القلب في لهود=وزود على همن لجا قلبي امرضني
لحقته وناديته لعله علي يعود=وقفا بعد زاد العنا بي و هيضني
وقفت اتلفت واتنشد هبوب النود=عساها تقول انه من شوي عارضني
خيال الحبيب ناعس الطرف غض العود=وليف صخرني بالمحبه وروضني
وليف وفيت أله بمحبه بدون عهود=لونه على درب التهاليك عرضني
انا له على طول الزمن شامخ كالطود=وهو بالفراق وجاير البعد ينقضني
غرامه لايا من قلت ينقص يصير بزود=وقلبي توافق مع خفوقه وناقضني
تعبت اتنشد و اتحرى عساها يجود=ابي منه عقب مطاول البين يلحضني
يقولون منته في هواء صاحبك محدود=وانا أقول سلم الحب لهل الهوى يضني
الى من نسيته كيف بالنادرات اجود=الى من نسيته بنت الافكار ما تضني
وشور عذلني عن هواء صاحبي ملدود=ولو تجتمع كل البسيطة تحرضني
فكانه جفاني و ارخص الحب و المجهود=تضيق الحياه وكن هالارض تلفضني
فكانه رمالي في البحر حبله الممدود= فلا همني لو ساير الناس تبغضني