|
اخطأ في حبة الحجر الاسود فحب فتاه ( قصيده رائعه )
اخطأ في حبة الحجر الاسود فحب فتاه ( قصيده رائعه ) -------------------------------------------------------------------------------- (ازلقت حبة الشمري ) حبة الشمري كلها جت من بصري الوضيحي الشمري والقصة تقول: ان بصري الوضيحي راح يحج ويتوب الى الله ..وان يتوب عن التغزل والغزل ..كونه مشهور بالغزل .. وبعد كبر سنه نوى ان يتوب .. طلب من ابنه لكي يحججه ... وبعد ما سعى وطاف طلب من ابنه ان يحب الحجر الاسود .. ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض .. فتزاحم معهم بصري وابنه .. وعندما وصل الى الحجر ويريد حبة الحجر ... اعترض بينه وبين الحجر ...خد بنت جميله كانت تريد حبة الحجر ... وفي هذه اللحظه السريعه انبهر بصري الوضيحي من لمعان خد البنت وبدل مايحب الحجر حب وجنة البنت ....فقالت له البنت حج حج ياشايب .... وحاول ولده أنه يرقع الموضوع قال هذا شايب تايه(مهذري) ...فخجل الوضيحي وقال يابعد حيي زلقت الحبة ابيها بالحجر وصارت فيك ...وصار هذا مثل (ازلقت حبة الشمري) وقال القصيدة :
التايه الي جاب بصري يقنه = هيض جروح العود والعود قاضي جينا نحب ونطلب الله جنه = جنة نعيم يوم يابس الحاضي ياليت كانت حبتي في معنه = يوم العيون عن الخوامل غواضي يامن يعاوني على وصف كنه = اشقح شقاح ولاهق بالبياضي الريح لازفرة ولاهي مصنه = ريح النفل بمطمطمات الفياضي نهدين للثوب الحمر شولعنه = حمر ثمرهن واقفات غضاضي والخد ذابوح القلوب المرنه = براق مزنٍ لاعق اللون ياضي ياليت لو سني على وقم سنه = بايام مابيني وبينه بغاضي أيام جلد الذيب عندي محنه = نصبح وزرق الريش لهن إنتفاضي ياجرح قلبي جرح وادي وطنه = غر المزون اللي وطنه وفاضي البيض قبلي محسنٍ عذبنه = ونمر على وضحى جرا له عراضي والبيض كم ٍ واحد ٍ يبسنه = يبسة شماشيل العذوق النفاضي عزي لمن غر الثنايا كونه = واركن على كبده كوايلٍ عراضي الا ارتوى بستان قلبي سقنه = واخضر جنابه عقب يبست الحاضي القلب غضات الصبايا شعنه = بنت الشيوخ مخدمين الحياضي شوفي بعيني والخدم يركبنه = على زعاع يوم قوطر وناضي فوق اشقح من زمل ابوها مضنه = ركبة عليه اتشنطح ٍ باعتراضي وامشجر من سوق هجر مغنه = على خياطة نابي الارداف راضي وين انت يامشفي على طردهنه = انا طويت ارشاي وقفيت قاضي انا صدرت ووردهن عقبنه = على العدو مشرعات الحياضي احد بوسط النار واحد بجنه = وترى البخيت اللي له الرب راضي كنه اسم البنت اللي حبها _________________________________________ ويقال بعد مارجع الوضيحي ندم على مافعل وقال:
ياليتنا من حجنــا سالمينــا = كان الذنوب اللي علينا خفيفـــات رحنا نبي نخفف ذنوب علينــا = وجينا وعليها كثرها عشر مرات منقول تحياتي للجميع |
ابوالسلاطين
يعطيك العافيه ومشكور على الاختيار الطيب |
مشكوووووووور أخوي على الأختيار الطيب والله لا يهينك
|
ابو السلاطين
قصيدة رائعة.. شكرا لك.. |
الأخ سعد المقابلة حياك الله ومشكور على التعليق أخيــك الأصغــــر أبــو السلاطيــــن |
عبدالله من أل بريك أرحب يالذيب العفووو والله لايهينك على التعليق أخيك الأصغـــــــر أبـــو السلاطيــــن |
أبــو حكيــــــم الودعانــي حياك الله والله لايهينك على المرور والتعليق أخيـــك الأصغـــر أبــــو السلاطيـن |
السلام عليكم ورحمة الله وبركاته
يعطيك العافيه أبو السلاطين على هذا الاختيار |
مشكور على القصه والقصيده
|
اسلام عليكم ورحمة الله وبركاته
صباح الخير.... ياليتنـا مـن حجنـا سالمينـا,,,كان الذنوب اللي علينا خفيفـات رحنا نبي نخفف ذنـوب علينـا,,وجينا وعليها كثرها عشر مرات أبـــو السلاطيــــن.. صح لسان القايل والناقل اختيار موفق الله يعطيك الف عافيه ولا يهينك اخوى تحياتي لك |
قصة وقصيدة جميله جدا
وعزتي لذا الشايب متولع بالغزل مره مشكور اخوي ابو السلاطين وعساك على القوة |
السلام عليكم ورحمة الله وبركاته الأخ الفاضل والراوي الممتع : أبو السلاطين سلمت يمينك يالقرم على مانقلت لنا فهذه القصة والقصيدة المشهورة تتناقلها الناس بينها منذ زمنٍ بعيد فرحم الله بصري الوضيحي برحمته وعفا عنه وكثر الله من أمثالك لأثرائنا بهذه القصص الفطريه والجميله عاطر التحايا القلبية لمقامك العالي محبك دغش البطي |
الله يرحم ذا الشايب انشهد ان قلبه اخضر مهوب اخضر الى مربع
حتى الحجر الاسود والحجاج ما سلموا من شره صح لسانه مليووووووووووووووووووووون وصف يقطع القلب لاهنت ابو السلاطين ودايم علومك غانمه يالقرم |
ار ررررررحب يابو السلاطين
ياليت لو سني علـى وقـم سنـه
بايـام مابينـي وبينـه بغاضـي أيام جلـد الذيـب عنـدي محنـه نصبح وزرق الريش لهن إنتفاضي ياجرح قلبي جـرح وادي وطنـه غر المزون اللي وطنـه وفاضـي البيـض قبلـي محسـنٍ عذبـنـه ونمر على وضحى جرا له عراضي والبيـض كـم ٍ واحـد ٍ يبسـنـه يبسة شماشيل العـذوق النفاضـي الله يبيض وجهك قصيده ادورها من زمان و تو ما حصتها كامله تقبل تحيات اخوك فتى الجود |
أبــو غلا [/size]فهاد الغيثي معدي المرقاب سـالـم الغريري دغـش البطـي أبــن وتـيـــد فتـــى الجـــود الله لايهين الجميع على المرور وشاكر لكم كـل تعليق ومعليش إذا تأخرت في الرد لــكن مرحبا بالرجاجيل ونورتوا الموضوع |
الساعة الآن 11:07 PM
 |
Powered by vBulletin® Copyright ©2000 - 2025, Jelsoft Enterprises Ltd.
---