يامسوي الدله لاسقت الفناجيل=فنجالها لأول لمطلق لزومي
أبو حنش ذخر الليال المقابيل=عز الرفيق ليا بداله لزومي
حلحيل ومعلمه فالطيب حلحيل=قرم(ن) تسلسل من سلايل قرومي
يشيل حمل الربع لاصار به ميل=شيخ(ن) على درب المراجل عزومي
زبن الخوي ليا حدته الغرابيل=ليا حداه الوقت وأزرا يقومي
له وقفت(ن) تروى لجيل(ن) بعد جيل=في ليلة(ن)فيها تضيع العلومي
يشهد له اليامي بطيب الأفاعيل=شله ماحسب والعساكر طقومي
دون الخوي يثني ولا يلحقه قيل=ترفع له البيضا بروس الرجومي
بنات فكري يعشقن المشاكيل=ويشوقها مدح الرجال القرومي
كريم سبلا لو تقل المحاصيل=ماهو من اللي طيبهم ربع يومي
ليا لفاه الضيف قدم له الحيل=والجار له معزته ومحشومي
يضحك حجاجه للرجال المقابيل=ودماثة أخلاق(ن) تجل الهمومي
للصاحب أحلى من حليب المباهيل=ومر(ن) على كبد العدا والخصومي
واللي ماحاش الطيب في شبة الجيل=ليا غشاه الشيب عنه محرومي
وصلاة ربي عد وبل المخاييل=على اللذي من كل الأخطاء معصومي

المشاركة الأصلية كتبت بواسطة ابو فهد الشكري (المشاركة 667142) صح السانك واعتلى شانك يالجزل.. قصيده جزله من شخص جزل.. تحياتي وتقديري..

المشاركة الأصلية كتبت بواسطة شافي بن راشد النتيفات (المشاركة 667146) صح لسانك يابومطلق واعتلى شانك ويستاهل الممدوح ماقيل فيه

المشاركة الأصلية كتبت بواسطة خميس الغييثي (المشاركة 667152) صح لسانك واعتلى شانك والجزل لاياتي الا بماهو يجمله ,,يستاهل الطيب المادح والممدوح خالص تقديري واحترامي

المشاركة الأصلية كتبت بواسطة فهد المقابله (المشاركة 667208) صح السانك واعتلى شانك يابومطلق ويستاهل ابوحنش المدح وهذا قليل من كثير تحياتي وتقديري

المشاركة الأصلية كتبت بواسطة ابوشافي الدوسري (المشاركة 667214) شاعرنا العذب محمد بن مطلق صح لسانك واعتلى شانك على هذه الرااااائعة شاعر جزل شاعر يطرب القلب لسماع قرااءة قصاائدة شاعر شهادتي فيك مجروحة لاهنت ويستاهل الممدوح ماقيل فيه تقبل مروري المتواضع

المشاركة الأصلية كتبت بواسطة خالد المشاويه (المشاركة 667280) صح الله السانك يابومطلق وسلمت يمناك ويستاهل الممدوح جزيل الشكر والتقدير