::: مـنتدى قبيلـة الـدواسـر الـرسمي ::: - حن جنودك ياوطن وانت فخر المسلمين

- :: قسم الـشعر العــام :: (http://alduwaser.org/vb/forumdisplay.php?f=16)

- - حن جنودك ياوطن وانت فخر المسلمين (http://alduwaser.org/vb/showthread.php?t=57846)

حن جنودك ياوطن وانت فخر المسلمين

السلام عليكم ورحمة الله وبركاته

هذه قصيده للشاعر / مفرج بن ناصر بن جنبان المخاريم الدوسري

في الملك عبدالله بن عبدالعزيز حفظه الله واطال عمره على الطاعه

الله اكبر الله اكبر بعونه نستعين=فارج الكربات نعبده ما نعبد سواه
نشكره ما نكفره زايدن الشاكرين=كافل(ن) ارزاق خلقه ورزقه في سماه
الشكر والحمد لله رب العالمين=منجي(ن) يونس وايوب مبري منه داه
نحمد الشافي شفا اللي بشوفه فارحين=خادم البيتين عم الوطن فرحة شفاه
به فرح عودن وحيدن ولاله من عوين=كون ربٍ يعلم الغيب ما شي ايخفاه
وبه فرح منهو ورى الباب والحارس سجين=له اسنين(ن) فاقدٍ شوف ربعه وقرباه
العفو والصفح طبعه لكل المذنبين=كم سجينٍ فك قيده وحقق له مناه
وبه فرح منهو فقد شوف غالين(ن) اثنين=مات ابوه وماتت امه ومل من الحياه
تشهد ادموع(ن) نثرها وحنا شاهدين=يوم سالت لجل ايتام والحزن ايغشاه
وبه فرح من عاش ما بين فقر وهم دين=الزمن حده وعاش الفقر عقب الغناه
راعي الوقفات لامن عطى ذرب اليمين=يغني المحتاج ماهوب يبخل في عطاه
كل شعبه فارح(ن) به عسى عمره اسنين=مالكٍ اقلوب شعبه بحبه وبغلاه
عاش ابو متعب ذرانا ملاذ الخايفين=الزعيم اللي يعيش ابسعاده من نصاه
من زبنه ايعيش بامن مع اللي وامنين=في ذرى حكمٍ وبشتٍ يذرينا ذراه
الشجاع العادل اللي جمع دنيا ودين=يشهد التاريخ فعله وتحكيه الرواه
ودام سلطان المكارم ولي عهده لامين=فاشهد انا بخير دايم ادام الله بقاه
ابو خالد راعي الجود غيث المعسرين=منفق الاموال نوّن تنثر منه ماه
فزعته لامن فزع تفرح القلب الحزين=كم حزينٍ زال حزنه وهمه يوم جاه
صيرمي لاهد ماصاد ياكون السمين=الشجاع الصارم اللي يهابونه اعداه
ترتفع به راية الجيش والقاسي يلين=ناهض الجيش السعودي ورافع مستواه
عز جيش(ن) فيه يعمل ارجالٍ مخلصين=لادعاهم فالقسى كلهم لبوا نداه
ولابغونا اخوان نوره فحنا جاهزين=مانهاب الموت فالحرب لا دارت رحاه
بالولا والسمع والطاعه انا معاهدين=ما نخون اعهودنا والوطن نفدي ثراه
والله انا دون حد الوطن حصنٍ حصين=نرخص الارواح لجله وحامينٍ احماه
بالسلاح امسلحين وعليه امدربين=قوة القوه ندمر بها رووس الطغاه
وحن جنودك يا وطن وانت فخر المسلمين=دام عزك يا وطنا على طول الحياه