شفت البحر كيف موجه ساكن وهادي ****والناس تسبح على شطه ومرتاحه

ان هاج ماهـوب بس يسيل الـوادي ****الا يدمـر مدن وبيوت بالراحه

وان شفتني سارح التفكير في وادي ****طعني لاتلمس طعون القلب وجراحه

الوضع متأزم ولاتــحسبــه عادي ****الصبر ضيعت قفله قبل مفتاحه

لاتقول ماقلت لكـ وتصيح وتنادي ****خلك في ساحة خيالكـ دام لك ساحه

وخلك على عنادك وببقى على عنادي ****ومن وقف بدرب موج البحر يجتاحه

اطعون كفكـ طعون انسان متمادي ****مايرحم القلب مهما يسمع صياحه

واليوم مات الغلا واعلنت ميــلادي ****وملكت سيف العزوم وصبري ارماحه

في مـصر مصري وفي بغداد بغــدادي ****حريتي اشعرتـني يـاخي بـراحه

وان طعتني لاتحرى يوم معوادي**** ومن راح مثلي تطول سنين مـرواحه