|
تكفى ترى تكفا تهز الرجاجيل
السلام عليكم ورحمة الله وبركاته ... هذه قصيدة مشهوره بس ماعرف منهي له .. يقول الشاعر : تكفى ترى تكفا تهز الرجاجيل ... لو ما ظروف الوقت مـا قلـت تكفـا هذي طبوعي كل ما عسعس الليل ... أصلّـح الدلـة وأجـر اللحونـي بريةٍ موزونة البنّ والهيل ... والمـاء بـوزن وحـيّ هـاك الوزونـي منها تكيّفني ثلاثة فناجيل ... وأرتـاح ويطيـر السهـر مـن عيونـي وأراجع الذكرى وأجرّ المواويـل ... والذكريـات بكـلّ شكـلٍ ولونـي البعض منها يشرح الصدر بالحيل ... والبعض لا والله يجـدد طعونـي وأرجع وأفكّر في الليال المقابيل ... لعـل وقتـي مـا يخيّـب ظنونـي وأدخل على الله من حياة الغرابيل ... حيث إن همّي ما تشيلـه متونـي كنّك مفصّل فوقي الهمّ تفصيل ... لين إلتبسنـي مثـل لبـس الجنونـي حالي كما حال القلوب المشاغيل ... اللي من أطـرف شـيء يتأثّرونـي لو يشتكون الغبن والجور والميل ... للغيظ وسـط صدورهـم يكتمونـي فكّرت الا الموضوع يحتاج تحليل ... وفنّ الدراسة واحـدٍ مـن فنونـي عرفت وش عكّر مزاج المشاكيل ... يوم إنهم مـن وقتهـم يشتكونـي أول سبب: نقالة القـال والقيـل ... الطغمـة اللـي جعلهـم يذهبونـي قلوبهم بالحقد سـودٍ مغاليـل ... ومـن طبعهـم بالمشكلـة يفرحونـي وثاني سبب: ناسٍ على مثل ما قيل ... لا يقطعون الشّـر ولا ينفعونـي والله ما يرفع ضغطك إلا المهابيل ... العالم اللي فـي النحـر ينشبونـي وثالث سبب: ناسٍ سوات المخاييل ... على سلوم الطّيب ما يحرصونـي خلّو سلوم أجدادهم رغو مع سيل ... وفي عالم التقليد جـو يركضونـي طشّوا عمايمهم ولبسوا بناطيل ... والموس فـال أشنابهـم والدقونـي وأرقابهم ما سلمت من السلاسيل ... تطبّعـوا بطبـوع هيـم البطونـي في ذمتـي ماعـاد باقـي رياجيـل ... إلا القليـل وجعلهـم يثبتونـي صفّة بعد صفّة وجيلٍ بعد جيل ... كلٍ من اللي قبلـه أنقـص وأدونـي هذي هي الأسباب من دون تفصيل ... شرحت روس أقلام بس أعذروني واللي يبي تفصيل بالحيل بالحيـل .... يقـدر يكلمنـي علـى تيلفونـي وسلامتكم.... تقبلوا تحياتي.. |
السلام عليكم ورحمة الله وبركاته
البيت الأول لمحمد الدحيمي وقصيدة تكفى الرائعة لكن باقي القصيدة لوصل العطياني وعموما واضح جدا انهما لشاعرين مختلفين من الاسلوب والفكر في القصيدة وتسلم على الذوق يا ابن عمي |
انتبه للنقل أخوي الشرافي
أخونا الغالي الشرافي واضح إنك ناقل بسرعة أو بدون تروي الله يحفظك ، لأن البيت الأول في وادي وبقية القصيدة في واد أخر فلو تلاحظ أن نهاية البيت الأول ( تكفا ) وبقية القصيدة نهاية أبياتها على قافية أخرى مختلفة.
أما من قائل أي من القصيدتين؟؟ فلا أدري وسيجيبك الأخوان بإذن الله إلا أنني أسمع كثيراً بالبيت اليتيم الأول أما القصيدة الطويلة (الأخيرة) فلم أسمع بهامن قبل أبداً. وتقبل تحيات أخوك التغلبي. |
هذي طبوعي كل ما عسعس الليل ... أصلّـح الدلـة وأجـر اللحونـي
بريةٍ موزونة البنّ والهيل ... والمـاء بـوزن وحـيّ هـاك الوزونـي منها تكيّفني ثلاثة فناجيل ... وأرتـاح ويطيـر السهـر مـن عيونـي وأراجع الذكرى وأجرّ المواويـل ... والذكريـات بكـلّ شكـلٍ ولونـي البعض منها يشرح الصدر بالحيل ... والبعض لا والله يجـدد طعونـي ــ الله الله على القصيده يا ناااس والله من جد من احلى القصايد اللي قريتها مشكور اخوي وواضح ان البيت الاول ماهو من القصيده لا هنت ولا تحرمنا من جميل نقلك لك تحيتي |
يعطيك الف عافيه
ومشكورين الاخوان على التعليقات الطيبه وعلى الايضاحات المهمه |
اقتباس:
|
الساعة الآن 02:03 PM
 |
Powered by vBulletin® Copyright ©2000 - 2025, Jelsoft Enterprises Ltd.
---