|
شاعر يذكرك في راشد الخلاوي __أقرأ ولن تندم
شاعر يذكرك في راشد الخلاوي __أقرأ ولن تندم
كنت في زياره لصديق في عنيزه وصادف وجودي في موسم التمور وكانت الأسواق مكتظه بالناس وكنت مستمتع بوجودي وأقضيه بين التسوق أو أذهب مع صديقي إلى جماعته في البساتين المحيطه في مدينة عنيزه وهي بساتين قديمه قد توارثوها من الأجداد والجلوس في ظلال نخيلها جميل ويذكرني بالطايف وبساتين جماعتنا هناك وفي أحدى جولاتي في هذه البساتين صادفت رجل كبير السن جالس على دكة بنيت له في ظلال خميله من أشجار النخيل عند ساقية بئر فسلمت عليه ورد علي السلام ودعاني للجلوس فما كان مني إلا أن لبيت الدعوه لأن منظر العود وهو جالس بهالصوره يغريك للجلوس معه لن أطيل عليكم تحدثنا في مواضع كثيره وكان الجلوس معه مثري للغايه ولشغفي في الشعر وخاصه الموروث من الشعر القديم سألته إن كان يحفظ شيئآ منه فتبسم وقال لي ياولدي أخاف أن القصيد اللى أعرفه وأحفظه مايجوزلك فأنت شاب صغير السن تعجبك القصائد الغزليه وأنا لاأحرص عليها إنما لاأعرف إلا قصائد الحكمه والنصيحه فقلت له والله ياعم هذا ما أبحث عنه فلا تبخل علي فأخذ يخرج مافي جعبته من من ذخائر السنين الطويله وكان أكثر مايحفظ قصائد راشد الخلاوي وشاعر من الكويت أسمه مرشد بن بذال بصراحه قصائده أكثر من رائعه فقلت له ياعم إن قصائد الخلاوي سهل الوصول لها ولاكن كيف أصل إلى قصائد بن بذال فتبسم مرة أخرى وقال لى ياولدي إن مرشد بن بذال له ( 6 ) كتب وهي عندي وأنا أحتفظ بها من سنة 1965 وهو تاريخ إصدار أول كتاب حيث كنت مسافر للكويت مع والدي رحمه الله وأموات المسلمين للتجاره فقد كان لوالدي دكان في سوق عنيزه القديم وكان يأتي ببضائعه من الكويت وكنت أستغل وجودي في الكويت بالذهاب للسوق وكنت دائمآ أحرص على زيارة مكتبه أسمها مكتبة أبن خلدون لأنني أجد بها الأصدارات الأدبيه الجديده اللبنانيه والمصريه والعراقيه وكذلك السوريه وكان صاحبهامن أهل الكويت ويعمل عنده شاب من فلسطين هو من يديرها ويقوم بشئون ترتيب الكتب أسمه حسام الخطيب أصبح كصديف لي لكثرة ما أتردد عليه وأطيل المكوث عنده بالمكتبه أتصفح عناوين الكتب التي لاتعد ولاتحصى ففي ذات مره قال لي أنت بدوي وقد صدر كتاب للشعر النبطي نزل بالمكتبات حديثآ فأنظر فيه فقد يعجبك فتصفحته على عجاله فأعجبني فأشتريته ومنذ ذلك التاريخ وأنا أحرص على إصدارات مرشد بن بذال هنا أنتها حديث العود فقلت له ياعم هل أستطيع أن ألقي عليها نظره فقال أنا موافق لكن بشرط أن يكون غداك عندي بكره فحاولت بكل جهدي أن أثنيه عن سالفة الغدى فقال لاتحاول ياولدي إن تغديت قريت مالكم بالطويله جيت بيت العود وتغديت وكان له الكثير من الأولاد والأحفاد وأخذت أتصفح كتب الشاعر مرشد بن بذال فأعجبتني ونسخت منها بعض القصائد وإليكم بعض ما نسخت أرجوا أن تنال إعجابكم ________________ قالوا حكوا بك قلت وش هم يقولون؟!! قالوا حكوا بك قلت وش هم يقولون ______وش قيل فينا يالوجيه الفليحه شوفوا مردُ الهرج وش هم يطرون _______ حتى نعرف مزوره من صحيحه كان الكلام من المعادي على هون ________ بعض المسبه بالمجالس مديحه تجيه عربانٍ من الله يخافون___________ عن الظليمه ينصحونه نصيحه لو كل خلق الله على الحق يمشون ________ كان القلوب من الخطا مستريحه كم واحدٍ بعروض الأجواد مفتون _________ وهو سلومه يفضحنه فضحيه وكم واحدٍ يطعن وهو فيه مطعون_________ يذم ريح الناس والشين ريحه بعض كلام الناس تهمات وضنون__________ قولٍ تنميه الوجيه الوقيحه الظلم لو فازوا هله ما يدومون ___________ راع الظليمه لاتباطى مطيحه والناس هذا الناس من عصر ذالنون ________ وكلن على دربه ركابه مشيحه مقرود يامن بدل اللون باللون____________ بعض الكلام يحرفه عن صحيحه والصدق هو والكذب ماهو بمقرون__________ كان إنها تدرس بلهجه فصيحه مايمدح الرجال بالشكل واللون ____________إبحث معه لينك تعرف القريحه تراك تعرف عنه وأنتم تهرجون ____________ يبين لك من كل جودٍ نضيحه المستريح اللي من الشك مامون ____________ مع كل خلق الله علومه مليحه كم واحدٍ حيٍ له الناس يثنون______________ وإلا توفى قالوا الله يبيحه وكم واحد لو هو باالألحاد مدفون ___________ ذكراه عند الناس بيضا صفيحه وكم واحدٍ يجمع ملايين وخزون ____________ مالٍ تنميه اليدين الشحيحه لا تشكره رملى ولا فك مديون _____________ ولا حل مشكلة النطيح ونطيحه ولا له على جاره من الفضل ماعون__________ لو إن جيرانه تشوف الذبيحه وكم واحدٍ جيران بيته يحمدون _____________ للجار ريف وللجماعه منيحه وكم واحدٍ منه العوادي يخافون _____________ زبن المخيف اللي كثيرن فحيحه ربعه نهار الضيق فيه يتذرون ______________ لاجا نهارٍ فيه لجه وصيحه وبعض الرجال بهم شريفين وعفون ___________ كلن على ماقال يرجع لكيحه وبعض الرجال بضحكهم يستغلون_____________ يجيبها من نوع زلقه بطيحه هذاك بين له من الهرج مدفون _______________خله إلا شافك يزين سميحه الهرج له نقال والرد للشون _________________ مزح الجزع يثر بكبدك جريحه هذا وأنا ماني من الناس ملسون ______________لاشك أرفض من تزايد جميحه قلته وكل الناس غيري يقولون ___________________ راع الظليمه لا تباطى مطبحه _____________________وفي سنة 1949 قدرالله أن مرضت زوجة الشاعر مما لزم الأمر أن تنام في المستشفى الأميري فطال مكوثها بالمستشفى وكان له منها أولاد أكبرهم أسمه عبدالله وهو كفيف البصر وكان هذا الولد يجتهد لمساعدة والده بمايستطيع فقد كان يحرص على أخوته عندما يذهب والده إلى المستشفى للأطمئنان على أمه فذات يوم كان الشاعر جالس في حوش بيته ينظر لأولاده وهم يلعبون وكان أكبر أبنائه عبدالله يجلس في إحدى الزوايا يستمع لأصوات أخوته وهم يلعبون ويشترك معه في الحديث فقط ممسك بعصاه التي لاتفارقه ابدآ لأنها هي دليله فذرفت عين الشاعر بدموع الشفقه وهاظت قريحته بهذه القصيده المؤثره جدآجدآجدآ__________________________________ يالله يارب الضعوف المساكين يالله يارب الضعوف المساكين ________ اللي لك المخلوق يحسن صلاته تستر على غوشن صغارن مكفين ______ أكبرهم العارف دليله عصاته لا يا عيالي كلبوكم حبيبين __________ عندي وعند الناس كلن وذاته عندي غلاكم يدفن الزين والشين _______ وعند العرب كلن تشاف اخملاته يا عبيد أنا خابرك ورعن لهالحين _______ داوي بغبات الجهل وظلماته لاشك علمي لك محبه وتفطين__________ تسمع الوالد وثبت وصاته وصاة مخلوقن يعرف القوانين__________ مافاة عمره بالجهل والهياته يا عبيد انا أوصيك مني بثنتين__________ ثنتين هن سؤ البشر وحسناته أوصيك لاتبحث سدود المغيبين __________ ولاتجهر اللي غارقن بغفلاته ترى النميمه تمحق الرزق والدين ________ والمنزل العالي تهدم اطبقاته لاتحسبن أهل الظليمه بخيتين __________ كلن يوافق ما عمل في وفاته وانذرك عن حق الضعيف المسيكين______ اللي على حقه يهل اعبراته ترى الضعيف الليا غدى الليل ليلين_______ يدعي وعند الله توافق ادعاته الظلم فان الظلم يفنى السلاطين _________ ياويل راعي الظلم من مقبلاته وانذرك عن ربعة رخو من هياسين_______ اللي سوالفهم بوده وهاته ويا عبيد الأقشر لوصفا لك نهارين _______ نهار ثالث جاك يرفع عصاته والله ياعندي ربعة الناس الأقصين _______ ولا قريبن يبلشك في حياته ترى الرجال ابهم فهود وحياوين ________ جاك الكلام اللي صحيحا ثباته ان كان ما تدري ترى الناس دراين______ الرجل مدحه بالمجالس طراته رجلن تعلق به رجالن مسمين_________ عز الرفيق ولابته والحماته ورجلن تشوفه جسم وعيون ويدين ______ ولولا الشعر ما تفرقه من خواته كم واحد بالبيت يضرب بسيفين ________ وأن جاء حزم كلاب قبع عبادته والحلم عن الغيض ينحي الشياطين _____ يكفيك شر إبليس هو و دحراته __________________________________________________ _________________________________وله بالحكم هذه القصيده الجميله___________________________________________ _____ قال الذي زين المعاني قطفها قال الذي زين المعاني قطفها ______ أمثال مبداهن عن الشك مفرود أمثال عنهن قاصر العرف يفها _____ من حيث درب العرف طلعات وصعود لو كل من قال المثايل عسفها ______ ما صار نقص بالمعاني ولا زود والبندق العوجا تجنب هدفها _______ الى صار منظرها عن القطر مصدود وغاية جميع الخلق محد عرفها _____ رضا جميع الخلق ما هو بموجود لا شك تدي كل نفس نصفها _______ ترى كلام العدل يظهر له شهود من رابع العاقل لنفسه صرفها _____ عن تيهتن يشقى بها ما بها فود واسمح عن الليل تيهته ما عرفها____ يمكن يرد اليالقى الدرب مسدود لومي على اللي تيهته قبل شفها _____ ومن العيا كنه عن الرشد مطرود نفسه على شين المماشي حذفها ____ اصبح ذميم لوه من نسل محمود لا يفتخر بافعال ناس وصفها _______ لها الفخر كانه وقف ماقف العود ما كل اجاويد تبعها خلفها ________ لا بد ما يخلف حمد سيرة حمود كم واحد يمت جدوده نسفها _______ على الشمال ورد مع دربه ورود ضرب دروب ما نشد عن كلفها______ وكدر سماه وصار بالجهل مزيود نفسه خطا غيره لعب في شرفها _____ اصبح بخيت لابس ثوب مقرود وكم واحد ربعه يعدل عجفها _______ من نشوته صاروا مشاكيل وفهود عنهم مهمات الافاعي كتفها _______ ماحدن يجيهم بطش والحق مريود ولومي على راعي مماشن حرفها___ عن درب ابوه ودرب جده هل الجود اقول له دنيا بلا مدح عفها ________ ترى تلايا الجسم للقاع والدود انتم بثر ناس تقدم سلفها _________ مرحانها تسفي خلايا من الرود هذي مبانيها وهذي غرفها________ بقى العمار وباني القصر مفقود وغيره بيوت للفداوى رففها _______ مثل الجبال السمر وألوانها سود محلي حلاها عقب سيرة صلفها _____ في خايع نبته لها ارقاب عاصود كم فيضة زين المباني كنفها_______ بيوتها للخيل عن مرتع الذود قب مطاليب المقفي نحفها ________ ياما نضح منها العرق نضحة الجود لا من كساب الزعيمة خطفها ______ صاح الصياح وجاوبه حس بارود كل ركبها ما نشد عن كلفها _______ جنك على الداعي مع الحزم جلعود كم ابلج عنه الجبانة كشفها_______ خلي بجيش القوم حاوي ومردود وكم ابلج نفسه حياها قصفها ______ اصبح فؤاد امه من الحزن ملهود هذي سلوم اللي تقافت صففها ______ يوم الهوا عدل لركابها القود واليوم ترحم حالها من ضعفها ______ ما كنهم شيفوا بمرباع وعدود مضما البكار اللي تنفض شعفها _____ لو تاصله عينت به ربق وهنود قلي علام الوقت هذا صدفها_______ واقول لك هذا اخر الوقت مشهود محد تصاريف الزمان اكتشفها______ تغيرت سلم على الخلق مقدود دنياك بالقفلات يضرب صلفها _______لمحة بصر ما له سنا برق ورعود غدارة لو اضحكتك بطرفها________ تراك عقب الضحك ببكاك ما عود ان اقبلت قامت تمشط زلفها _______ هنوف عرس طيبها المسك والعود وان ادبرت شفت الكدر من حرفها ____ تمسي تسيد وتصبح الصبح مسيود ________________________وله هذه الحكمه_______________________________ سر ياقلم واشرح على بيض الأوراق سر ياقلم واشرح على بيض الأوراق _________ من ماتصور لي معانٍن لهن ذوق من هاجسٍ بين المعاليق دقاق_____________ يبدي له أنواع من أفراح وغلوق خل القلم لملون الحبر دفاق_______________ يمضي نهاره بين الاصباع مخنوق يكتب مشاكل خاطرٍ كل ما ضاق _____________كن النحر من ونة الجوف مفتوق وانا لشرهات التماثيل عشاق ______________ لوني على قفر التماثيل مسبوق الفكر يوم انه لشره المثل تاق_______________ تراي وصيته عن الهزل والبوق معطيه وصفٍن يتبعه قطر تفاق ______________ عن منهج القاضي ترى الطرق مطروق لاخير في جيلٍ يلفّق تلفّاق _________________ الجيل عنوان اهله فيه ملزوق والناس كل له تعابير واشواق _______________ والهم على الطامع مشاريه وحقوق وليا اشتبهنا مصدر الحق فراق ______________ الحق للأول بلا شك وارهوق الله على والعمر ما دام برفاق _______________ ما دام عن دورات الايام مرفوق شوف الغدير بحاجر الروض لهاق ____________ والبيت توه باطراف النقع مطقوق أنا هوى بالي طويلات الاعناق_______________ دلال رسلانٍ لهن وسط وعنوق جيب الهشيم وشفت للنار سوراق _____________ شفت السنا عن مسحب الجمر مفروق اليا فاحت اللقمة ترى الهيل لحّاق _____________ يازين كف الهيل بالنجر مصفوق أشر بدق الهيل يامال الاعتاق _______________ خلّ الشفاوي يسمع الهيل مدقوق ليا من راعي الكيف من مرقده فاق_____________ ادعه على الفنجال والحي مرزوق يوم الهدوس بسكرة النوم غراق ______________ يامحلا صوت الفناجيل مسيوق بيتٍ يزورونه شريفين الأخلاق _______________ بيتٍن شريف وراعي البيت ماثوق ياحلو مجلسهم تحت عفر الارواق _____________ في خايع نبته شمل كل خنتوق وليامشي دواج في بعض الاصفاق ______________ جاب الزبيدي من نشانيش رقروق مدهال من يعبالهن صلف الاطلاق______________ اللي تشايل ديدها تقل جالوق صفرا إلى حنت عطيفه تفهّاق ________________ جاها حويرها من الحبس مطلوق وناسة الخاطر يزيلن الأغلاق_________________ ودنياك ما داوم طربها لفاروق صيور زفرات الهبايب بالأدواق________________ لابد من يومٍ يصير الهوا دوق من حسب الدنيا على جبر ودقاق _______________ ماطاب عيشه لويحوّق الذهب حوق ماضاع حرفّين على السفن حدّاق _______________ ولادام من عد الذهب وزن وعروق والبخل مايغني رديين الأوفاق __________________كثيرهم ثوبه على المتن مشقوق والجود مايضعف زكيين الاعماق_______________ لاجاه زابن قال أنا عندي السوق هم مكرمين الضيف بكبار الاشناق______________ جل الغنم وإلا عداوٍن من النوق وصحونهم ماتنقدر كود بحلاق_________________ من كثر مافيها من الذبح معلوق وقصيرهم في مبركٍ دمث ورقاق_______________ كنه عن العيلات في راس شاهوق يفداهم اللي لأ شرف السلم هتاق_______________ اللي ولد جاره من ابناه مفلوق وصلوا على المختار مالاح شعاق _______________ ما انزاح ليل وبزت الشمس بشروق __________________________________________________ ______________________________________وهذه آخر قصيده جاد بها وهو بالمستشفى قبل وفايه بأيام قليله__________________ يحول أظن الحق جتني طروشه ـــــــــ جتني مطاليبه وانا عنه منحاش اليوم كن بداخل الصدر هوشه ـــــــــــ مثل اختراش الزلم في داخل الجاش يالله عسى عطفك ولطفك نحوشه ــــــــــ يالله بحسن الخاتمه عند الاقراش دنياك لو تعطيك زين المعوشه ــــــــــــ تالي سوالفها تعود على ماش ياما خذينا بأول العمر شوشه ــــــــــــ وياما مشينا في مظاهير وأدباش في خايعٍن وبل الثريا رشوشه ـــــــــــ نجن الزبيدي في صحاصيح ودشاش وياما جلسنا مع مرودع نقوشه ـــــــــــ في سهلةٍ ماحدرنا زل وفراش في وسط روضٍ مخضراتٍ خفوشه ــــــــــ نبته جديد ومبعدينٍ عن الطاش نبنوب لا خبله ولا أهي مخروشه ــــــــــ عنق الفريد إن ذيره زول حشاش قامت تخاطبني بنفسٍ هشوشه ــــــــــــ بس الكلام وعرضه أبيض من الشاش بسرار في وسط القلوب مخشوشه ــــــــــ بين الثنين ولا درى عنهن الواش ربعة وفا ولا السلب ماننوشه ـــــــــــ ماني لوجه معذب الحب خماش واليوم مالي مع هل الصيد نوشه ــــــــــ عطيتها غيري بلاسوم ببلاش عند الطبيب وصار عندي وحوشه ــــــــــ ومن الإقامة صابني خوف وخراش ذالحين شفني جالسٍ عقب دوشه ــــــــــ أصلب عضاي وكن بالجسم هشهاش خليت ديواني ومجلاس حوشه ــــــــــــ عقب المعزة ساكنٍ دار الإنعاش والنفس ضاقت عقب ماهي بشوشه ــــــــــ مثل المقيم اللي على نو مطراش ومع السلامة |
رد: شاعر يذكرك في راشد الخلاوي __أقرأ ولن تندم
لاهنت ياوقدان على طرح هذه القصائد
ورحم الله الشاعر مرشد |
رد: شاعر يذكرك في راشد الخلاوي __أقرأ ولن تندم
بيض الله وجهك
احسنت الاختيار الله يرحم الشاعر وجميع اموات المسلمين |
رد: شاعر يذكرك في راشد الخلاوي __أقرأ ولن تندم
مشكووووووور وقدان
اليوم كن بداخل الصدر هوشه- مثل اختراق الذل داخل الجاش |
الساعة الآن 02:24 PM
 |
Powered by vBulletin® Copyright ©2000 - 2025, Jelsoft Enterprises Ltd.
---