سـنـام المـجـد ومتـونـه تغـنـت وركــزت الاركــاز=علـى راس الرجـوم الـي بهـا العـز العـلا مـركـوز
يهاب الصعب من رام السهل واركى على المعنـاز=ويروم الصعب من متنه من صروف الدهر منحوز
سمـي السيـف يفخـر بـه سميـه فـي يـده مـا عـاز=لغيـره مــا يـبـي غـيـره ولا غـيـره علـيـه يـجـوز
يـجـوز لفيـصـل الأمــة قصـيـد ٍ مــا لغـيـره جــاز=يـفـوز الـقـاف لا مـنــه تـغـنـى بالشـهـيـد يـفــوز
ضـرب وجـه العـدو بالحـق مـا جمـع عليـه ألـغـاز=وقــال النـفـط مــا والله تـحـوزه يالمـعـادي حــوز
وحنـا وسـط بيـت الشعـر نبقـى بـه كــرام عــزاز=ونشرب من حليب الـي تهـادت مـن شعيـب لقـوز
ونقـري الضيـف ونعـزه ومــن جـانـا فــلا يعـتـاز=نــعــزة والـعـزيــز الله جـعـلـنـا لـلـبــلاد رمــــوز
تعـلـى مـنـبـر الـبـيـت العـتـيـق وقـالـهـا بـايـجـاز=وهـزت كلمتـه قصـر ٍ يحسـب انـه مـهـو مـهـزوز
تمـنـى الـمـوت لأجــل الـقـدس لاهـمـز ٍ ولا لـمـاز=صريـحـة كلمـتـه تكـبـر بـكـبـره والـثـقـال يـــروز
طـمـوحـه عـالــي ٍ يـنـحـاز للـكـايـد نـعــم يـنـحـاز=على درب الهدى والدين مالـه غيرهـن مـن عـوز
يركـز بالهـدف ويصيـب مـا مالـت علـى الـبـرواز=ولا اهتـزت يمينـه لا .. ولا عـنـده هــزاز وهــوز
سياسـي والسياسـة حازهـا مـن مـدرسـة اعـجـاز=سقـاه الكـاس ابـو تركـي وفـي عينـه لمـح للـفـوز
تسابـق لـه خيـول الجـود والحكمـة مــع الاعــزاز=وكــل قــرب ركـابـه يـقــول الفيـصـلـي مـحـجـوز
وهــو جـامـع عـلـوم الطـيـب لـكـن فوقـهـا يمـتـاز=بقـلـب ٍ باشجـاعـة والشـهـامـة والـوفــا مـحـفـوز
طلبـتـك يـالـولـي ربـــي مـفــرج كـربــة المـعـتـاز=تضـمـه مــع نبـيـك فــي جـنـان ٍ خيـرهـا مـكـنـوز
وختـم القـاف صلـى الله عـدد ماطـار طـيـر الـبـاز=علـى خاتـم رسـل ربـه رسـول جـا يسـوق كـنـوز