الكلمه اللي بصدري قدلها مده=مابين الاضلاع احدرها واسندها
ان غابت اليوم جات الصبح مرتده= مابيني وبين روحي قمت ارددها
لوقلتها زلزلت برزان وتهده=وهدت رموز على الساحه نمجدها
والواقع يقول بد الوضع لابده=والظاهريقول بهرجها وأيدها
وتكميم الافواه خلا الحرب مشتده=وحرية الراي رايحة معا يدها
أحادي الراي ساد ولاحدن قده=شرع قوانينها بأسمه وحددها
والقوه الضاربه في قمة الشده=تخنق وقبضة مخالبها تشددها
والعنصريه تسل السيف وتحده=في وجه راي يخالفها مقصادها
سواحل الجهل منتشره وممتده=وسطولها يقمع افكار تهددها
اما اقبل الوضع ولالاتجي ضده=تجرفك هوج الرياح اللي تعاندها
او شد عن دارهم والشده الشده=لاصار مافي يدك حيله تشددها
مادام مابه معك محزم ولاعده=معاقل الشرجنب لاتصمدها
لاتستجب لدعاوي هاته اوده=ولاتنجرف للعواطف ثم توسدها
ويكليكس محدا يميز مزحه وجده=ياكثر الاخبارمكثرمن يفندها
ان طعت شوري فصد وماجمل الصده=جرب الهمل من يصدرها يوردها
من شرق شاطي العقير الى بحرجده=سج القدم في مناكب الارض وابعدها
واليا انفتح باب عزك ماحد سده=بيارق النصر بأذن الله تشيدها

المشاركة الأصلية كتبت بواسطة دغش محمد الصخابرة (المشاركة 651854) ااااااااااااارحب يا الزميل وصح السااااااااااانك واعتلى شانك وبيض الله وجهك على القصيدة الجزله

المشاركة الأصلية كتبت بواسطة ابوشافي الدوسري (المشاركة 651881) الشاعر الكبير حسن بن بطحية الودعاني صح لسانك واعتلى شانك على هذه الدرة شاعر جزل ولا انت في حاجه اني امجد قصيدك قصيدك هو من يفرض نفسه على قلوب المتلقين تحياتي وتقديري

المشاركة الأصلية كتبت بواسطة شافي بن راشد النتيفات (المشاركة 651897) ارحب يابومحمد ويشهد الله انك من عمالقة الشعر والشاهد هذه الرائعة التي امامي صح لسانك ملايين ولاتبطي علينا بجديدك واشهد لله انك صدقت فيما قلت

المشاركة الأصلية كتبت بواسطة وخليت باب المدح... (المشاركة 651907) روعه صح لسانك قصيده جزله وابدعت يعطيك العافيه