أنتحت شمس العصر واقترب منها الحمار= واكتسا شرق الفضا من ظلام الليل لون
وانتهض وجه الشفق وستحى وجه النهار=لحظةٍ قبل التحول تجي حالة سكون
ساعةٍ فيها ضيا الشمس عاش الاحتضار=والفضا من كبر حجمه بعيني ويش يـكون
وقفت رجلي على الدار ورسوم الآثار=ليتني ما جيت من حيث كانوا ينزلون
آه يا ذكرى الليالي وخالية الديار=اصعب اللحظات ذكرى تفراق الضعون
انكتب لي من شقى الوقت لوعه وانكسار=وانحبس دم المعاليق من هيض الشجون
احرجتني عبرة حشرجت تحت الزرار=وارتوى كبد الثرى من ينابيع الجفون
في دروب الحب ما ينفع القلب اعتذار=تكتب الاحكام والحبر من دم الطعون
اعتراض الحكم ما يمنحه رد اعتبار=حجة القاضي يقولون مالا يفعلون
دامني مسرج خيالي على صفر المهار=باتذكر وصل لاماك يالغض الحنون
وأتخيل شوف لقياك عقب الانتظار=نظرة فيها تخاف العيون من العيون
الجمر والثلج والليل مسدول الستار=والتعاج البرق لالاح في غر المزون
واستوى وجه القمر في مداره وستدار=وانجلا نو السماورتوت خضر الغصون
كن عيوني تكتب أحروف الاسما باختصار=وانت تقرا داخل النون حرف العين نون
ارتهيت من الحلا ستر جلباب الوقار=كنك اتخاطب هل الذوق بالله وش تــــبون
مدلي كيف من البن في لونه شقار=أسعد اللحظات مدة يمين اللي يمون
لاعتبر ما بين الاضلاع له دار ومزار=وشيدت لا جله عمارات وقلاع وحصون

المشاركة الأصلية كتبت بواسطة ابوشافي الدوسري (المشاركة 651745) ياسلام ياسلام صح لسانك يابوفهد واعتلى شانك الله يعطيك العافية على طرح هذه الدرة الجميلة يامبدع استمتعت بقرائتها لا تحرمنا جديدك تحاياي

المشاركة الأصلية كتبت بواسطة خميس الغييثي (المشاركة 651746) ابوفهد ارحب تراحيب السيل وارحب عقب البطاء صح لسااااااااااااااانك واعتلى شاااااااااااااااااااانك مبدع كما هي عادة الكبار يابوفهد وانا صراحه سبق وان استمتعت بهذه الرائعه ... لله درك ودر هجوسك خالص تقديري واحترامي

المشاركة الأصلية كتبت بواسطة ابو زيد الغييثي (المشاركة 651760) ارررحب اررررحب اررررحب مليون × مليون ولا يوفون شاعر جزل جزل صح اللسانك ملايييييييييييين غير مستغرب منك هذا الابداع يا ابو فهد ولا تبطي علينا بجديدك جعل راسك يبطي حي

أنتحت شمس العصر واقترب منها الحمار واكتسا شرق الفضا من ظلام الليل لـون وانتهض وجه الشفق وستحى وجه النهار لحظةٍ قبل التحول تجـي حالـة سكـون ساعةٍ فيها ضيا الشمس عاش الاحتضـار والفضا من كبر حجمه بعيني ويش يكون

المشاركة الأصلية كتبت بواسطة شافي بن راشد النتيفات (المشاركة 651788) ارحب مليووووووووووووووووووووووووووووووون يابوفهد وصح لسانك على هذه الشامخة