بسم الله الرحمن الرحيم

السلام عليكم ورحمة الله وبركاته

أضع بين اياديكم هذه الابيات البسيطه وإن شاء الله

تحوز على بعض من إعجابكم

يقوووول وعماركم تطوووول :

صبري مهوب العام وألا اول العام = على الخطا من عالمن جاهليني
ادمح واسامح والتمس وصل الارحام = واعز نفسي وآتقوا بديني
ان جات من طيب فلاني بلوام = وان جات من غادي اغمض بعيني
ما زودت همي مع طول الايام = ولا حركت حاجه ولا بتعنيني
نفسي معودها بعز و تحشام = وحشام الانفس بالمواقف تبيني
وترى التسامح طبع من طبع الاكرام = شي عرفته من تجارب اسنيني
امقاشر الاقزام يبلش بالاقزام = لو كان متنه قاسي ما يليني
ومسوي المعروف عزام جزام = يدخل قلوب اعداه والاقربيني
ولا كل من يصبر على الضيم منضام = يصبر على الشدات ذرب اليميني
بعض العرب صفرن من ايسار الارقام = يا الله طلبتك لا تحطه قريني

وسلامة الجميع

أخوكم : مسفر المصارير

أبو نااايف

تبقى يابو شافي

ولا عليك زود ووجهك أبيض

شرفني مرورك الطيب

احترامي