::: مـنتدى قبيلـة الـدواسـر الـرسمي :::

::: مـنتدى قبيلـة الـدواسـر الـرسمي ::: (http://alduwaser.org/vb/index.php)
-   :: قسم الـشعر العــام :: (http://alduwaser.org/vb/forumdisplay.php?f=16)
-   -   عندي وصيه من نوادر وصياي/الشاعر عبدالله عتيق المزيني (http://alduwaser.org/vb/showthread.php?t=55833)

عبدالله المزيني 22-12-2010 01:38 AM

عندي وصيه من نوادر وصياي/الشاعر عبدالله عتيق المزيني
 
الورق فوق الدوح في نـوح نعـاي=هاض الضماير في لحونـاً سجعهـا
اسمع هديل الورق واصغي له اصغـاي=الحـان ماهـي بالحـون ابتدعهـا
لين اقتحم بيـن الصناديـق معنـاي=وديـان ضـاق بسيلهـا متسعـهـا
ابـا اتسلـى ويـن انـا واتسـلاي=اهل الولع ما تنتهـي عـن ولعهـا
ياصار وسط السوق بايـع وشـراي=تفتـح صناديقـاً ثمينـه اسلعـهـا
ويالاحمق الملقوف عن ظولهم جاي=عمك بلش بالغامـه اللـي زرعهـا
وورود ورداً عيهلـن تـروي ارواي=البوش كله لـو ورد مـا يهزعهـا
من عام الاول مصرين جمها اصراي=سحم الضواري لو تذوقـه صرعهـا
وعما طرالي ماسكـاً مـاي بلـزاي=النـاس خـرب طبعهـا مجتمعهـا
وترى البذي دايم على الناس خطـاي=هرجه عوج وان جات عوج(ن)بلعهـا
يشوف بلع العوج في نفسـه اقـداي=ويترك مجـال الدافـع اللـي دفعهـا
وعندي وصيه من نـوادر وصايـاي=اما غدت في حقـك النـاس دعهـا
وان جت من الادنين يازين الاقفـاي=وفجوج نجد اوساع يارحـت معهـا
وانشد رجال العرف يعطونك الـراي=وخل الضعوف الـي قليـلاً سنعهـا
ويالـلي بنفسـك دايـم الـدوم زراي=كم قاصـراً نفسـه كثيـراً بشعهـا
واليا مشوا ركضه وراهـم تحوبـاي=اطروق ربعـه تتعبـه مـا قطعهـا
ودعوا على اللي بالمخاليـق حكـاي=يجيب وينقـل كـل هرجـه سمعهـا
نمرود متمرد علـى النـاس جنـاي=الهرجه اللي مـا سمـع يصطنعهـا
ادعوا عليه وياعسى يقبـل ادعـاي=عسـاه لعلـه مـا يعالـج وجعهـا
والصدق لو هو ميزتاً مـن مزايـاي=غيري رجـالاً صدقهـا مـا نفعهـا
وكان (ن) زماني حداني على اقصاي=قبلـي صناديـداً حداهـا وسبعهـا
اساير الدنيـا علـى غيـر ممشـاي=وكل يوم ارقعهـا وتفجـج ارقعهـا
وعن طردها لو نكتفـي بالتمضـاي=ونقنع انفوسن من طمعهـا جشعهـا
وبكبود اهلها مدمين شرهـا ادمـاي=والسويد رضعت ماعرفوا من رضعها
اعوذ باللـي كـون الكـون مـولاي=اللي بسـط سبعـ(ن)وسبع(ـن)رفعهـا
السحت يفني مال لو ماله احصـاي=والبركـه كـان (ن) ربـك نزعهـا
وترى المعاصي تنهي اصحابها انهاي=النفـس ياطاعـت هواهـا يخدعهـا
وابليس في رغباتها يغـوي اغـواي=واجد رجال مـن الرجولـه خلعهـا
اما دحرت ابليس يسويبـك اسـواي=ولك طيحتن تفضحك محـدن وقعهـا
وبالك تطيع النفس عصيانها اجـداي=الا ليا صـدت عـن النـاس طعهـا

أخوكم

عبدالله عتيق المزيني

أبونواف الدوسري 22-12-2010 01:50 AM

رد: عندي وصيه من نوادر وصياي/الشاعر عبدالله عتيق المزيني
 
لا هنت وصح السانك أخي الشاعر عبدالله المزيني

على عرض هذه النصيحه القيمه...

وفقك الرحمن وسدد خطاك..

عبدالله المزيني 22-12-2010 02:07 AM

رد: عندي وصيه من نوادر وصياي/الشاعر عبدالله عتيق المزيني
 
ابو نواف نورت صفحتي بيض الله وجهك وصح بدنك

وشاهدتك اعتز بها وافتخر شكرلك

لاهنت لاهنت اسعدني

مرورك الكريم

محمد مطلق آل بريك 22-12-2010 04:22 AM

رد: عندي وصيه من نوادر وصياي/الشاعر عبدالله عتيق المزيني
 
الاخ / عبد الله المزيني

صح لسانك مليااااااااااااااار ولاهنت على النصايح القيمه

تحياتي وتقديري

مبارك بن شافي النتيفات 22-12-2010 10:35 AM

رد: عندي وصيه من نوادر وصياي/الشاعر عبدالله عتيق المزيني
 
اقتباس:

المشاركة الأصلية كتبت بواسطة عبدالله المزيني (المشاركة 645742)
وعندي وصيه من نـوادر وصايـاي=اما غدت في حقـك النـاس دعهـا
وان جت من الادنين يازين الاقفـاي=وفجوج نجد اوساع يارحـت معهـا
وانشد رجال العرف يعطونك الـراي=وخل الضعوف الـي قليـلاً سنعهـا



عبدالله المزيني

صح لسانك واعتلى شانك

قصيده راااائعه

الله يعطيك العافيه

تحياتي وتقديري

عبدالله المزيني 22-12-2010 08:38 PM

رد: عندي وصيه من نوادر وصياي/الشاعر عبدالله عتيق المزيني
 
الشاعر النداوي

صح بدنك لاهنت

شهاده اعتزبها وافتخر هذا وتقبل

تقديري واحترامي لك

شكرا


الساعة الآن 02:32 PM

Powered by vBulletin® Copyright ©2000 - 2025, Jelsoft Enterprises Ltd.
---