لوتكلم مفردات ابلغ حروف الابجديه= ماتعبرعن مدى شوقي لشوفك ياحياتي
والله ان لك وحشة بانت مواريها عليه=وحشة ماهي لغيرك ياعنود المترفاتي
ياالجفول اللي تذيريالغزال العارضيه=يامتاهات الجمال اللي تضيع به البناتي
ياوضوح الشمس ياطهر المزون الموسميه=ياعبير الورد وانفاس الغصون المورقاتي
يارذاذ الصبح يانفحة نسايمه النديه=يامرابع روضة التنهات في وسم النباتي
ياتقاسيم الربيع وياصدى الناي الشجيه=يانغم وابداع بيتهوفن عزفها ثم ماتي
يارواية شكسبير الاوله والعالميه=والاخيره واليتيمه حسب تصنيف الرواتي
ياتعابير الفنون الخالده والعبقريه=ياصفا قوس القزح بالوانه اللي زاهياتي
ياسكون اليل في بعض اليال الشاعريه=ياتباشر الدعاة المستجابه بالصلاتي
ياقصيده ماكتبها النابغه بالجاهليه=ولاكتبها سعد بن جدلان لو عض الشفاتي
يالحنون العذب والرقه تزيدك جاذبيه=ياشموخ الغيم لاعدى بروس النايفاتي
جاك مفتونك على همس الغلا فوق العبيه=يدفعه صدق الشعور ويكتب اغلا مفرداتي
فارس خيال ويطوع لاصيلات العصيه=ماتكوده مهرة تختال في ثقل وثباتي
عن حماك يذود لاغطرفت بالصوت الحميه=لجل عينك قال حي الموت اخيرمن الحياتي
اتصاغركل ماقدمت لك من طيب نيه=واستميح العذربالتقصيرفي ظعف اكلماتي
صدقيني مابقا الادمعة بالعين ذيه=جعل ربي مايبينها ولايجهد سواتي
كان عندك شك ماني قايل هذي خطيه=اقرب اقرب وانت تدري بالعلوم الخافياتي
وحط يدك اهناه والمس جمرة الاشواق حيه =في ضميرماتمنى الا انت ياعز امنياتي