للمدح باب وللمواقف سلاطين=وللمجد ساس وللمهمات اهلها
وللعز بيت و للحقايق براهين= وحمول بقعاء مالها الا جملها
واللي مايمدح طيب فعله يبين=انشهد ان حروف شعره قتلها
وانا مدحت معرب من عزيزين=مدات جوده من حماسه دبلها
الشيخ ابوعبدالله مجلي الدين=الشتوي اللي راس عيطا دهلها
لطيب في وجهه ارسوم وعناوين=والمعرفه من صغر سنه نهلها
شيال هم اللي شكا الفقر والدين=وريف الكبود اللي تزايد عللها
مسلسلاً من راس شيخ البدارين=شيخت فخر تدرى القبايل زعلها
عامر ولد بدارن سقم المعادين=كم هجمتن في ضف اهلها وصلها
شيخ الدواسر قبل اماره وتعيين=حقايق تعرف و لا حدن جهلها
ساطي وضربه في نحور المغيرين=لاهاب معموس الروابع فتلها
صلب الضمين مرجين الموازين=ودايرهم محدن بسيفه نزلها
يوم الحرايب فالمعارك مضرين=بمشلشلاتن ضربها ماخذلها
قلته و عندي للحقايق براهين=وحمول بقعاء مالها الا جملها