ماجـور ياللـي مـن فراقـك تعلمّـت=ان الزمـن يومـيـن طيّب..وخـيّـب
فاجئتنـي بمفـارقـك مــا تولـمّـت=كـذا بـدون اسبـاب عنـي تغـيّـب!!
مامـت مـن فرقـاك لكـن تألـمـت=وشيبت بي ياصاحبي قبل أشيب
ولولا الحيا من عاذلـي مـا تلعثمـت=طاولته اللـي فـي يـدي مـن قريّـب
اضحك واسولف وان لحقني سهر نمت=لـكـن قـسـم بالله مـانـي بطـيّـب
أكافح اهل الشمت بالسمت والصمـت=ومن شوفتـك صدفـه قعـدت اتهيّـب
أخاف اشوفك واكسر الصمت والسمت!!=وادعيـك تـو النـاس وانـا مغـيّـب
جيشك علي ما فـاز وانـا استسلمّـت=وذل المحبـه ذل مـا هــو يعـيّـب
تدري من المخطـي ولـو مـا تكلمـت=ياللـي لظنـي ظنتـي مـا تخـيّـب