المرجلـه ماهيـب هـرج وسوالـيـف=المرجلـه لهـل المـواقـف والافـعـال
الـلـي تبـيـن افعالـهـم بالمواقـيـف=مثل الجبال اللـي بهـا دفء وضـلال
اللـي معرفتـهـم مـعـزه وتشـريـف=احـب خوتهـم علـى كــل الاحــوال
نعـم الرجـال اليـا توصفـت توصيـف=تزها بهـم عـذب المعانـي والامثـال
اهــل العـوايـد عارفـيـن المعـاريـف=ماتبتلـش معهـم علـى دق وجـلال
والمرجلـه وهبـه مـن الله وتكلـيـف=مـن خلقـة الدنيـا علـى مرالاجيـال
ماهـيـب لاورثــه ولاهـيـب تـولـيـف=فعـل الفتـى بــذراع يمـنـاه لاطــال
لوهي وراثه كان ماشفت به حيـف=ولاخلفـت روس الرجاجيـل الانــذال
كم واحدن من روس قوما ولاشيف=جنـب طريـق الجـد والـعـم والـخـال
المعطي الله صـار للطيـب تصنيـف=اصبـح ثـلاث انـواع بالـوان واشكـال
الثالث اللي يوضف الطيـب توضيـف=لاجل المصالح قبل يخسـر بهاريـال
طيبـه علـى كيفـه مـزاج وتصانيـف=عنـدالـلـوازم مـايـفـيـدك بـمـثـقـال
اروغ من الحصنـي بالاعـذار حريـف=ماينعـرف لـه وجـه بقفـاي واقـبـال
والثاني اللـي منتشـر كمـن وكيـف=اهل البشـوت اللـي تبختـر وتختـال
رغـم المكانـه طيبـهـا فـيـه تزيـيـف=ماهـو لوجـه الله لـو سـوت اعمـال
لاجـاهـم المحـتـاج بيـعـود مـعـيـف=بـروق صيـف مايصـدق لـهـا خـيـال
ناس تبي سمعه وشهره وتسويف=قـدام خلـق الله تبـي علمـاً ايـقـال
رحلة شتاهم عل ماتلحـق الصيـف=اللي على المحتاج تضحـك وتحتـال
والاول الاول بـــروس الـمـشـاريـف=طيبه لمعنى الطيب مخرج ومدخال
ياقلهـم فـي تالـي الوقـت ياخليـف=الشـاهـد الله مـابـقـا غـيــر رجـــال
الـلـي بمـداتـه يـغـيـث المـلاهـيـف=لاضاقـت الدنيـا مـن الـجـال للـجـال
مــارد محـرومـاً ولايـنـهـر اضـعـيـف=لامن قضى اللازم رقد راضي البال
مايحسب حساب الغلا والمصاريـف=الله خلق ايدينه ايمين وجزال
سمح النوايا صادق القلب ومضيـف=دمث الجناب وطيـب الخلـق والفـال
يلقـف لفـعـل الغانـمـه بالملاقـيـف=لقفاتـن تذكـر مـع النـاس بافـضـال
محيط بحرالجـود مرسـى وتجديـف=يحيـل ملـح البحـر مـن جـوده زلاال
معـروف مايحتـاج شـهـره وتعـريـف=لـه فـي سمـا العليـا مقـر ومـنـزال
مـن قـربـه نـجـوم الثـريـا موالـيـف=بعد السما عن قـرب عبـادت المـال
هذا هواللي مابعد جيـت لـه ضيـف=حـلـم تـصــور وعـــن نـاضــري زال
هاذي علـوم المرجلـه دون تحريـف=لاحـدن يجادلـنـي ولايكـثـر اجــدال

المشاركة الأصلية كتبت بواسطة ابوشافي الدوسري (المشاركة 643915) ارحب يابن بطحية صح الله لسانك يالقرم شاعر جزل ولا يختلف على هذا اثنين تحياتي وتقديري

المشاركة الأصلية كتبت بواسطة شافي بن راشد النتيفات (المشاركة 643922) ارحب يابو محمد واشهد لله انك من فحول الشعر صح الله لسانك من هنا لين تجي شبيطة وشيبه وبشر اربك عودت من شيبه جعلها السيل واخيرا بيض الله وجهك على هذا الحضور المميز

المشاركة الأصلية كتبت بواسطة ماجد بن رويه (المشاركة 644018) صح السانك يابن بطحيه ابدعت تحياتي

المشاركة الأصلية كتبت بواسطة ابو زيد الغييثي (المشاركة 649377) ارررررررررررررررررررررررررررررررررررررحب اررررررررررررررررررررررررررررررحب ارررررررررررررررررررررررحب ارررررررررررررررررحب اررررررررررحب اررررحب مليووووووووووووووون الله الله جزله جزله جزله جزله و مظلومه بكلمة جزله فلو كان هناك ميزان لها مع الجزالة لرجحت كفت هذه الابيات كل بيت له طابعه الخاص كلما قرأت بيت قلت هذا الذي سأقتبسه و لكن يأتي بيت آخر ينسيني ما قبله لقد أحترت مع هذه الأبيات و لا ينظم مثل هذه الابيات إلا شاعر كبير ذو تجربه وهذا ما يميز " ابن بطحيّة " ، ابيت أقل ما توصف بــ " شيخه " أعتذر على الأطالة و لكن لدي سوء تعبير خصوصا ً في الوصف فلا رأي سيرفع منها أو ينقصها و لكن هذه الابيات " ظلمت " يجب أن تكون على الأقل " مذهبه " تقبل مروري على هذه الدره

المشاركة الأصلية كتبت بواسطة محمد بن سالم الخضراني (المشاركة 649395) ابومحمد بيض الله وجهك وطول الله عمرك ودمت للجزاله ولشعر بحر متلاطم الامواج تقبل تقديري

المشاركة الأصلية كتبت بواسطة وخليت باب المدح... (المشاركة 649402) رغم المكانه طيبها فيـه تزييـف ماهو لوجه الله لو سـوت اعمـال لاجاهم المحتـاج بيعـود معيـف بروق صيف مايصدق لهـا خيـال راااااااااااائع ابيات اوبالاصح نوادر قيمه شاعر متمكن اجاد فابدع استمر فانا في انتضار قصائدك المميزه لك ودي