::: مـنتدى قبيلـة الـدواسـر الـرسمي ::: - مساجله بين الشيخ خليل بن هدلان والشيخ ناصر الدوسري

- :: قسم الـشعر العــام :: (http://alduwaser.org/vb/forumdisplay.php?f=16)

مساجله بين الشيخ خليل بن هدلان والشيخ ناصر الدوسري

هذه المساجله حدثت بعد ان قام ناصر بتال الدوسري الملقب [ سويدان) ( وهو ابن عم الشاعر / ناصر المبزر الدوسري والملقب بـ ( افجيح) باخذ عصا (خيزرانه) من سيارة الشاعر/ ناصر دون ان يعلم ناصر بذالك على طريقة المزح بين الاصدقاء ,فقال ناصر هذه الابيات مسندها للشيخ/خليل بن سلطان بن هدلان

عصاي اخذت عندكم يابن هدلان = وانتم هل العادات واهل السلومي
واللي خذاها ظني انه سويدان = امقفي وايديه ماهيب تومي

:- فرد عليه الشيخ / خليل بن سلطان بن هدلان بهذه الابيات

جتني شكية ناصر طير حوران = شوق الهنوف اللي لمثله تشومي
جتني وانا حاضر لها الفكر ولهان = اهوى معانيها وارد العلومي
يشكي علينا من خطايا كحيلان = ناصر ولد بتال غمر عزومي
وقبل اجري التحقيق لفلان وفلان = غرامة الماسوق منا لزومي
من خوفة يصبح لنا الجار زعلان = ويروح منا راضي ومحشومي
وحققت في الموضوع ابي زود برهان = واحتار فكري والصحيح معدومي
يقول خصم فجيح كذب وبهتان = وذي عادة في ولد عمي ظلومي
قصده يشبشب مشكله بين عربان = ومن عادته يهوى للمس الخشومي
كيف اخذه وانا ارجي الرب غفران = مصلي وادي زكاتي وصومي
وفجيح عاده في المواجيب فتان = ما ناخذه ونروح منه سلومي

منقول من ديوان الشيخ الفارس شالح بن هدلان