موقف العز في موروث الأجدادي=والنواميس تبغي من يصاليها
ياهل البل يجود اليوم من جادي=من حظر وقفةٍن له لا يخليها
الثنا مايجي من طارف الوادي=كون كسب الرجاجيل بيمانيها
العوايد يابن وضحان تنعادي=تنتخيك العوايد وانت راعيها
أنده الوضح يا كساب الأمجادي=لين تضهر على صوتك نواديها
نقوةن لا غدا تشهير وعنادي=تقصر اهل الهقاوي من هقاويها
كل وضحا يزينها التسنادي=كل زين يطرى يجتمع فيها
ينفهق نييها والسلف منقادي=فاتن الوجه طافحةن لواحيها
خلها تارد الميدان ميرادي=كل عام تجدد به مواضيها
فعلكم بين في روس الأشهادي=عندها قبل بايعها وشاريها
لابتي ياكعام الضد لازادي=ياهل البل جنبها في مشاهيها
فوق قب ترادا لا حدا الحادي=ظرريت مع مداغيش تظرريها
الدواسر هل الطوله والأمجادي=فعلهم حاظر الدنيا وماضيها

ولاهان المنشد/جابر ال جوزاء المري على الشيلة الرائعة

تحياتي واحترامي.