بديت باسم مجري السفينة على سطح البحور =الله اللي مايخيب عباده لارجوه
عالم (ن) غيب الليالي وماتخفي الصدور = ويذكر اللي يذكرونه وينسى اللي نسوه
طالبك ونستك لاجيت وحشات القبور = وطالبك نطق الشهادة لروحي لاقبضوه
وطالبك عفوك ورحمتك في يوم النشور = يآلهن يغفر ذنوب خلقه لاعصوه
وبعدها عندي نصيحة بأسمعها الحضور = الرجال اللي تميز كلامي لاسمعوه
اجتهد في طاعة الله ترى الدنيا غرور = وجاهد الشيطان والنفس واللي يشتهوه
والصلاة احرص عليها ترى منت معذور = أدها لله وفي وقتها اللي وقتوه
هي عمود الدين وهي لها في الوجه نور = والعميل الله ويامربح اللي عاملوه
وزك مالك كل عامن عليه الحول دور = ديننا بين نصابه وبين من عطوه
وصم لوجه الله رمضان المفضل في الشهور = وحج بيته يكمل الدين للي كملوه
هاذي أركان الشريعة ويقفاها أمور = سنة محمد واصلي وصلوا لاذكروه

المشاركة الأصلية كتبت بواسطة عقاب ال بريك (المشاركة 639545) صح لسان أبوفهد . . . ولاهنت أخوي عبدالله على النقل . . . عز الله قصيده جزله من شاعر جزل وأبو فهد غني عن التعريف . . .

المشاركة الأصلية كتبت بواسطة غـــادهـ بنت ناصر (المشاركة 639571) صح لسانه وأحساسك وذووقك أخوي يعطيك العافيه وتسلم يمناك

المشاركة الأصلية كتبت بواسطة غازي المسعري (المشاركة 640884) صح لسان أبوفهد . . . ولاهنت أخوي عبدالله على النقل . . . عز الله قصيده جزله من شاعر جزل وأبو فهد غني عن التعريف . . .