مخيلةٍ بطرافهـا بـرق ورعـود=غرٍ تلاعج برقهـا فـي طرفهـا
يلعب طفلها يدفعه غربـي النـود=وتمطر سحايبهـا عـذيً رهفهـا
من وبلها يجنا ثمـر كـل عنقـود=سحٍ غدق كبد الوطـى ماجرفهـا
اروى بها من صافي الجم قرهود=وتهنا بهـا نفـس تزايـد شغفهـا
اخشا يجي قولي على درب منقود=او حذفة ماينـدرى مـن حذفهـا
ذكر الثنا ماغيبه شمـس وحـدود=ودار الحيا ينبيـك منهـا طوفهـا
صفر المهار اللي بها الخير معقود=تتبـع رضـا خيالهـا لاعسفهـا
تنقادله ويقودهـا بالرسـن قـود=عقب الصلف يعجبك زائد ولفهـا
في مدح منهو شامخ كنه الطـود=تسمـو معانيهـا ويسمـو هدفهـا
فيصل سمي السيف للحق بالـود=من شجرة يلقى الذرى في كنفهـا
يافيصل بن احمد سند كل مضهود=لك وقفةٍ بالطيب محـدن وقفهـا
لك مدةٍ يخضر بها يابـس العـود=وقفات طيب كـل حـي عرفهـا
الطيب بين الناس شاهدومشهـود=ماضيعت لحفـاد منهـج سلفهـا
ابوك نبراس الوفى ماكر الجـود=لو المراجـل بحـر جودغرفهـا
يعط العطا ماحسب النقص والزود=كم خزنة من فيض جوده صرفها
وحفيد من رام العلا واتعب القود=بمصقل روس الاعـادي نسفهـا
يوم الجزيره نار شعلـه وبـارود=يمناه ترمـي للضـواري علفهـا
لين استوت له كلها اسهود ومهود=وشال الامانه من سلفهـا خلفهـا
مجدن تليد ويتبعه مجـد مولـود=ويامكذب الامجاد بالعيـن شفهـا
وحنا للدار العـز خـدام وجنـود=ارواحنـا تفنـى ويبقـى شرفهـا