::: مـنتدى قبيلـة الـدواسـر الـرسمي :::

الـنـفـس خــضـرا و الـنـواهـس طـواريـش
تـلـفـي ضــيــوف و تـستـحــل الـسـريــره
والـيـا عــزمــهـا شـوق سـجًـة مـطـاريش
عـشـق الـنـفـوس ايـسوقـهـا فالـمسيـره
تـأسـر و تـؤسـر و الــدواعـي مــعــاريـش
و بـيـن الـفـضـايـل و الـرذايــل حــصـيــره
مـلـفـى لـسـوم و لـوم بـعـض الـدراويـش
الـلًـي مــع الـثـنـتـيـن يـشـعــا مـصــيــره
مــزًاح سـارق و مـتــأبــط مـن الـطــيــش
حــالـه مـع الـتـدقـيـق يــوحـي بــغــيــره
يـظـهـر فـضـيـلـه و الـرذايـل مـخــاشيش
وابـلـيـس الـه صـاحـب و فـيـهــا شـويــره
احـدن فـطـن و احـدن بـحـالـه مـغـاشيش
و الــهــيــلــمــه سـوًت لـشـرواه سـيــره
واهـل الـمـجـامـل همًـهم لـقـمـة الـعيش
مـن ويـن شـمًـت حـسً جــاتـه مـغــيــره
تـجـمـعـهـم الـطـمـعه كما سافي الـريش
يـوم الــهــبــوب اصـلــوفـهــا تـسـتـثـيــره
وان كـان صـار الـفـضـل صـنـو الـمـكـاريش
والـديـن و الـحـكـمــه بـهـم مـستـجــيــره
والـبـيـن بـين الـبـيـن هــفــوه و تـلـطـيش
يـكـبـر حـصـيـر ابـلـيـس بـاهـل الـجــريـره
ومـا عــاد يـنـفــع لـيــت مـع لـو مـع لـيـش
أن سـال سـيـل ن و أمـطـرتــنــا مـطـيـره